Vuçiç: E hoqa flamurin e Kosovës në Stamboll; Thaçi:Kosova u nderua në Turqi!
Presidenti i Kosovës, Hashim Thaçi, ka përgënjeshtruar homologun e tij serb Aleksandar Vuçiç se gjatë përurimit të aeroportit të ri në Stamboll organizatorët kanë hequr flamurin e Kosovës, duke thënë se Beogradi mund të krrokat sa të dojë, por Kosova u nderua në Turqi.
“Në Stamboll të Turqisë është nderuar shteti i Kosovës dhe shteti i Shqipërisë. Krenar me respektin që u bëhet shteteve tona. Beogradi le të krrokat sa të dojë,” thekson Hashim Thaçi përmes rrjetit social Facebook pas amullisë që u krijua në opinion me deklaratën e Presidentit të Serbisë.
Ndryshe, Presidenti i Serbisë, Aleksandar Vuçiç, ka deklaruar se gjatë përurimit të aeroportit të ri në Stamboll, me kërkesën e tij organizatorët kanë hequr flamurin e Kosovës.
Se cila është e vërteta, e kaluara e afërt na thotë se vetëm këta dy presidentët nuk janë të besueshëm ta thënë, së bashku me ndërmjetsen e tyre evropiane. Këtë mund ta thotë Ankaraja zytare edhe pse deri më tani ka zgjedhur heshtjen.
