Presidenti Trump: Dy sulme në SHBA ngadalësuan fushatën për zgjedhjet e Kongresit

Presidenti i SHBA, Donald Trump ka fajësuar dy sulme të tmerrshme kundër figurave publike dhe hebrenjve në një sinagogë, për ngadalësim të “momentit politik” të republikanëve, raporton RFE.

Duke folur në një tubim politik në Misuri, Presidenti Trump tha se “dy manjakë” kanë “ngadalësuar një moment shumë të madh” megjithatë tha ai përkujdesja për njerëzit është më e rëndësishme.

Deklaratat e Trumpit, të cilësuara si mospërfillëse, kanë ardhur në kohën kur Shtetet e Bashkuara janë duke u përgatitur që javën e ardhshme të mbajnë zgjedhjet për Kongres.

“Dy manjakë na kanë ngadalësuar një moment që ka qenë i jashtëzakonshëm, sepse për shtatë ditë askush nuk ka folur për zgjedhjet”, tha Trump duke shtuar: Ç’është më e rëndësishmja, neve na duhet të kujdesemi për njerëzit tanë dhe nuk i kushtojmë rëndësi momentit, kur na ndodhë një turp, i llojit me të cilin është përballur shteti ynë”.

Kritikët e tijë, që hapin gojën edhe kur ai lëviz qerpikët, dhe këtë radhë ishin të shpejtë në dënimin e deklaratave të presidentit, duke thënë se ai më shumë po u kushton vëmendje zgjedhjeve sesa viktimave