Thaçi takon Putinin, Rusia mbështetë marrëveshjen paqësore me Serbinë

Presidenti i Kosovës, Hashim Thaçi në Paris ka zhvilluar një takim me presidentin e Rusisë, Vladimir Putin.

Duke e bërë publik këtë takim, Presidenti Thaçi përmes rrjetit social Facebook thekson se me presidentin Putin ndër tjera ka biseduar për Dialogun për normalizimin e marrëdhënieve ndërmjet Kosovës e Serbisë dhe mundësisë së arritjes të një marrëveshjeje gjithëpërfshirëse ligjore dhe obliguese.

“Lidhur me këtë çështje, presidenti Putin ishte i qartë. “Nëse ju (Kosovë –Serbi) arrini marrëveshje paqësore, Rusia do ta mbështes këtë marrëveshje,” thekson Thaçi.

Presidenti i Kosovës foli për marrëveshje por ende nuk është e qartë nëse në këtë takim me presidentin e Rusisë, shtet ky i cili ka të drejtën e vetos në Këshillin e Sigurimit të OKB  është biseduar edhe për tejkalimin e kësaj vetoje, në rast se Kosova dhe Serbia arrijnë një marrëveshje të paqes.