Video/ Mitrovicë Veri, arrestohen 4 serbë për vrasjen e Oliver Ivanoviçit…

Mëngjesin e sotëm, me urdhër të Prokurorisë Speciale të Kosovës, në veri të Mitrovicës janë ndaluar katër persona,  tre prej të cilëve të dyshuar për implikim në vrasjen e politikanit serb, Oliver Ivanoviç në janar të këtij viti, kurse njëri për shkak të rezistimit ndaj policëve.

Ndërkohë krimineli Millan Radojiçiq, një nga figurat kryesore të komunitetit serb në veri, ka arritur që të ikë nga Policia e Kosovës, e cila tani është vënë në kërkim të tij.

Të arrestuar janë: Nedelko Spasojeviq, zyrtar i lartë i Policisë së Kosovës, Dragisha Markoviq,  Marko Rosiq dhe Sasha Curciq.

Pas këtyre arrestimeve, kryetari i komunës Goran Rakiç ka protestuar ashpër ndërkohë Presidenti i Serbisë, Aleksandar Vuçiç ka thirrë një mbledhje urgjente me strukturat e sigurisë së shtetit serb.

Policia e Kosovës ka konfirmuar arrestimet por asnjëri nga Zyrtarët e Kosovës nuk ka sqaruar se nga e dinte Aleksandar Vuçiç qysh dje se në veri do të zhvillohet një aksion i ROSU, dhe këtë e përdori për politikë të brendshme në prag të takimit me përfaqësuesit e serbëve të Kosovës.