Haradinaj: Ky aksion i policisë s’ka lidhje me asnjë zhvillim politik

Ky veprim i policisë nuk lidhet me asnjë zhvillim politik. Kështu reagon kryeministri Ramush Haradinaj pas aksionit të sotëm në veri të Mitrovicës, ku pati arrestime në lidhje me vrasjen e politikanit serb, Oliver Ivanoviç duke sqaruar:

“Sot, me urdhër të Prokurorisë Speciale të Republikës së Kosovës, në veri të Kosovës është zhvilluar një operacion policor, që ndërlidhet me ndalimin e disa të dyshuarve për vrasjen e politikanit Oliver Ivanoviq. Ky veprim policor ishte në pajtim të plotë me ligjin, konform urdhërit të Prokurorisë Speciale, dhe nuk ndërlidhet në asnjë mënyrë me asnjë zhvillim politik. Dua të siguroj të gjithë qytetarët se shteti i Kosovës dhe organet e tij të rendit, në asnjë mënyrë dhe asnjëherë nuk do të orientohet kundër asnjë grupi etnik apo politik,” thekson Haradinaj duke i bërë thirrje qytetarëve,subjektve politike, kryetarëve të komunave posaçërisht atyre në veri dhe organeve të tjera, që të kontribuojnë në mbajtjen dhe avancimin e qetësisë publike, në shërbim të paqes dhe stabilitetit ndërsa përfundon:

“Është më rëndësi që askush të mos bien pre e dezinformatave të ndryshme. Ruajtja e rendit dhe respektimi i ligjit është në interes të të gjithëve në Kosovë.”

Ndërkohë përfaqësuesit serb të institucioneve të Kosovës në veri dhe mediat e Beogradit vazhdojnë të tensionojnë situatën.