Vendimi/ Gjyqtari Shkëlqim Miri dënohet me 30 muaj burg

Gjykata e Krimeve të Rënda ka dënuar sot me 2 vite e gjashtë muaj burg gjyqtarin Shkëlqim Miri.

Prokuroria ka kërkuar që gjyqtari Shkëlqim Miri, i akuzuar për korrupsion, të dënohet me 4 vite burgim, por sot Gjykata ka vendosur që të japë gjykimin e shkurtuar, pra vetëm 2 vit e 6 muaj burg.

Ndryshe, gjyqtari Shkëlqim Miri u ndalua në 10 Nëntor të vitit të kaluar me urdhër të Prokurorisë së Krimeve të Rënda, ndërkohë që në banesën e tij, policia gjeti një shumë prej gati 30 milionë lekë.

Sipas organit të akuzës, gjyqtari Miri ka marrë para në këmbim të ndryshimit të akuzës për shtetasin Gentian Doda, nga vrasje në plagosje të rëndë me dashje. Doda ishte ekstraduar nga SHBA, pasi ishte në kërkim për një vrasje të dyfishtë në Burrel në vitin 1997.