Unaza e Re/ Protesta – “Banorët e Erion Velisë“, Klevis Balliu: Ishin policë, ja emrat…

Banorët tek Unaza e Re të prekur nga projekti i Unazës së Madhe kanë vazhduar edhe sot protestën e tyre duke kërkuar dëmshpërblimin 100 % të pronave të tyre ndërkohë deputetët e PD, pjesëmarrës në këtë protestë kanë denoncuar mashtrimin e kryetarit të Bashkisë së Tiranës me gjoja banorët e Unazës ë Re kur në fakt bëhej fjalë për punëtorët e administratës

Derisa deputetja Albana Vokshi, tha se në takimin e djeshëm në bashki me kryebashkiakun e Tiranës Erion Veliaj, nuk ishin protestues, por punonjës së bashkisë, deputeti Klevis Balliu foli me emra konkret.

“Dje, Erjon Veliaj, nëpërmjet një filmi artistik të organizuar nga ai, ku takonte banorët e Astirit, u mundua të mashtronte qytetarët. Ata njerëz ishin që ishin në takim me Erjon Veliajn ishin thjeshtë punonjës së bashkisë, për të qenë më të saktë polica të bashkisë: Redi Ruka dhe Blerim Mela, që janë punonjës së bashkisë, Emiljano Baliu nga Skrapari, inspektor në policinë bashkiake, Pirro Zogaj nga Tepelena, inspektor”, tha Balliu duke folur për një mashtrim të shëmtuar të Veliajt në përpjekje për të krijuar përçarje ndër banorët e Unazës së Re:

“Por jo që nuk ia ka dalë, vetëm ka shtuar numrin e protestuesve. Siç janë qytetarët te bulevardi, që pasi i premtuan se di jepnin paratë, sot i kanë hequr nga lista e shpronësimeve që vetë i kishin vënë. Sot, i janë bashkuar kësaj kauze. Dua të shpreh krenarinë e të qenit mes këtyre qytetrëve që kanë qëndruar këtu duke i bërë ballë kësaj klike mafioze të Edi Ramës dhe Erjon Veliajt,” tha deputeti i PD, Klevis Balliu duke përfunduar:

“Nëse Veliaj do ti takojë banorët, ja ku i ka, këtu, nga mëngjesi deri në darjë. Le të vijë ti takojë edhe ti pyesi. Deri tani kemi parë shpjegime, por pa zgjidhje. Protesta e Unazës së Re i çori maskën Veliajt dhe gjithë qeverisë së Rilindjes. I përshëndes protestuesit dhe i garantoj se mbështetja e PD do të jetë me ta deri ditën e fundit, deri në ditën kur do marrin dëmshpërblimet.”