Lapsat në protestë/ Studentët: “Ne nuk ikim!”, Edi Rama mesazh për “ngelësit”…
Ashtu siç kishin paralajmëruar studentët e Tiranës dhe të Durrësit kanë marshuar sot drejt ministrisë së Arsimit me parrullat kryesore:
“Revolucion studentor. Revolucion studentor, revolucion studentor, ne nuk jemi bankomat, nuk tërhiqemi’. ” Jo negociata me ministren arrogante dhe injorante”, ishin thirrjet e protestuesve në kor marshin e tyre:
“Ne nuk ikim!”
Ministrja e Arsimit nuk vuri dorën në zjarr, ashtu si edhe kryeministri i cili madje edhe lësoi fyerje në adresë të tyre duke i trajtuar si një tufë ngelësish.
E protestuestuesit, bazuar në vargjet e Nolit, për indiferencën e ministres dhe shefit të saj kishin një mesazh:
“O Linditë që s’di këndim, je minister për arsim”.
Ndërkohë në mënyrë simbolike në atë që ka filluar të emërtohet si protesta e Lapsave ata kanë goditur në mënyrë simbolike godinën me të gjithë lapsat që mbanin me vete. Ata kanë përdorur çdo lloj mjeti tjetër paqësor për të sulmuar godinën.
Protesta e cila filloi nga Fakulteti i Ndërtimit, të cilës i janë bashkuar edhe ata të Elbasanit dhe Durrësit ka tri kërkesë kryesore uljen e tarifave:
1. Heqjen e pagesës për kredite të provimeve të mbartura
2.Shtyrjen e afatit të pagesës vjetore
3.Bërjen e pagesës me këste
Teksa u mblodhën para fakultetit të Arkitekturës dhe Urbanistikës ata vijuan marshimin drejt Ministrisë së Arsimit, aty ku mesazhi i tyre ishte i qartë.
“Ska më heshtje, s’ka më pritje”
Tentativa e Zv/ministres së Arsimit, Besa Shahni për të negociuar me studentët, dështoi dhe ajo u detyrau të largohet nga tubimi.
“Dilni jashtë”, “Duam ministren”, “Anulo vendimin”, “Mbani përgjegjësi”, janë disa nga thirrjet e studentëve drejtuar Ministrisë së Arsimit.
Studentët e bënë të qartë se nuk bëhen pjesë e shantazheve dhe premtimeve boshe dhe kërkojnë heqjen e tarifës prej 670 lekë për kredit për çdo provim të mbartur; Kërkuan që pagesa e tarifës së shkollës të kryet në muajin janar, ashtu si për çdo vit tjetër dhe jo në muajin dhjetor.
Ministrja e Arsimit, Lindita Nikolla, tha se do ta takojë një përfaqësi me studentët por këta të fundit kanë përsëritur se nëse nuk merren parasysh kërkesat e tyre, ata do të bëjnë thirrje për revulucion studentor:
“Revolucion studentor. Jo negociata me ministren arrogante dhe injorante,” janë shprehur studentët që kundërshtojnë tarifat e provimeve.
Ndërkohë që studentët vazhdojnë protestën përballë Ministrisë së Arsimit, duke bërë thirrje kundër tarifës për kreditë në provimet e mbetura, Kryeministri Edi Rama reaguar duke i trajtuar ata që protesojnë ngelës.
Ndërsa i përgjigjet një komentuesi në Facebook, i cili kërkon zgjidhen e hallit të studentëve, Edi Rama që për pesë vjet nuk pyeti asnjë taksapagues për PPP-të kriminale sot u shqetësua për taksën e arsimit duke theksuar nëse “janë të gatshëm taksapaguesit që të paguajnë shpenzimet për studentët ngelës?”
