Live. Protesta e Studentëve/ Vezë dhe letra higjenike për Lindita Nikollën: “Jo negociata, dil në Bulevard…”

Pas bashkimit të studentëve nga të gjithë fakultetet dhe marshimit të tyre në Bulevardin “Dëshmorët e Kombit”, studentët kanë mbërritur tek godina e Ministrisë së Arsimit.

“Lindita Nikolla dil në bulevard”, “Shkolla është e jona. jo biznes privat”, “Jo negociata, jo negociata,”      “E duam Shqipërinë si gjithë Europë”.

Këto janë thirrje e mijëra studentëve që janë ngritur në protestë kundër tarifave të vendosura nga qeveria e Edi Ramës.

Pavarësisht thirrjeve me megafon për të mos hedhur objekte në drejtim të godinës së Ministrisë së Arsimit, disa studentë kanë hedhur vezë dhe letra higjienike në drejtim të këtij institucioni.

Përveç Tiranës, protestohet edhe në Universitetet e Durrësit, Elbasanit, Korçës.

Studentët e Universiteteve Publike po protestojnë kundër vendosjes së tarifave për provimet e mbartura.