Monologu i Kryeministrit/ Edi Rama: Qeveria nuk është Daja të shpërndajë qofte…
Dialogun e dështuartë cilin e shndërroi në monolog, e finalizoi me ca mesazhe që ai i quajti pyetje të studentëve. E pranoj se ishin përzgjedhur nga ato më aktualet por kryeministri përgjigjet nuk i kishte të përzgjedhura. Kërkesat e studentëve i konsideron qofte por Qeveria tha se nuk është Daja, e kryeministri tha se nuk është Zoti:
“Pse kush jam unë që zoti, që ju bëni kërkesa dhe unë i zgjidh nga lartë? Jo unë mund të bëj zgjidhjet nga dialogu.”
Vazhdoi me plotë akuza dhe fajësim të të gjithë atyre që nuk quhen Edi Rama dhe e kanë katandisur Arsimin në këtë situatë, për të cilën protestojnë studentët.
“Nuk e kemi vendosur ne atë VKM, por ka qenë një kërkesë e dekanëve që në mars. Prandaj unë i kam dhënë urdhër Ministres që të thirrë në mbledhje urgjente dekanët, për të biseduar me ta. Fajin e kanë këta dekanë që nuk informojnë studentët,” tha Rama I cili foli për autonominë e universiteteve, tha që nuk është Zoti ama edhe I fut duart në tarifat:
“I gatshëm për të shkuar me tek kërkesave tuaja për tarifat. Jo vetëm 50%, por tua subvencionojë shteti 100% atyre me 9 dhe 10 dhe atyre në ndihme ekonomike. Por ama duhet dialog, se nuk zgjidhen në etër. Por nuk bëhet kështu, o ba dua lekë. Do u themi të gjithë që taksat tuaja do përdoren për këta studentë”
Por prap se prap tarifat nuk i quan të mëdha dhe i krahason me vendet e rajonit por edhe jo edhe mirqenien e këtyre vendeve. Për kryeministrin, një studenti shqiptar arsimi i kushton një kafe në ditë ose në rastin më të keq një makiato në ditë dhe përmend kohë pas kohe Serbinë dhe Malin e Zi dhe sa është shkollimi atje, duke harruar se në Mal të Zi pensioni mesatar është 500 euro dhe ai nuk e ka as 100 euro.
Dhe, ky që është kryeministri I Shqipërisë por nuk është Zoti bëri edhe një premtim nga lartë. Duke folur për bordin e administrimit premtoi “live” se do i shkarkonte të gjithë përfaqësuesit e qeverisë por kur të takohet me studentët: “Do të shkarkojmë të gjithë përfaqësuesit e qeverisë në Bordin e Administrimit. Por unë nuk bëj asnjë lëvizje, po nuk erdhët këtu dhe po nuk folëm bashkë. Ji të rrini e të këndoni këngët e Monikës e të Lulit në Bulevard. Ju më sillni një emër të një studenti, që doni ju dhe do ta vendosim direkt, por jo të rrini aty,” tha ndër të tjera në monologun e tij kryeministri, të cilin mund ta kenë dëgjuar shumë rilindas në këtë ditë feste por jo edhe studentët të cilët po protestojnë që gjashtë ditë, dhe nuk presin as monolog dhe as dialog me Edi Ramën, por vetëm plotësimine kërkesave të tyre…
