Prishtina stoliset me flamuj amerikanë

Sheshet kryesore të Prishtinës janë stolisur me flamuj të Shteteve të Bashkuara, në shenjë falënderimi për një grant të ndarë për Kosovën nga bordi i Korporatës së Sfidave të Mijëvjeçarit, MCC.

MSS thekson se i ka dhënë Kosovës, Marrëveshjen Kompakt, përmes së cilës, Kosova do të marrë dhjetëra milionë dollarë shtesë për investime strategjike infrastrukturore, veçmas në sektorin e energjisë, raporton RFE.

“Qeveria i ka vendosur flamujt. Dje kemi marrë lajmin për MCC (Korporata e Sfidave të Mijëvjeçarit), që i ka ndarë edhe miliona euro për Kosovën, investime në infrastrukturë dhe energji, dhe si shenjë falënderimi për këtë lajm dhe partneritet i kemi vendosur flamujt”, tha për RFE, zëdhënësja e Qeverisë së Kosovës, Donjeta Gashi.

Ndërkohë kryeministri Ramush Haradinaj, përmes një postimi në Facebook ka falënderuar këtë mekanizëm për këtë grant duke theksuar se “viti 2018 po na kurorëzohet me ngjyrat e shenjta të flamurit amerikan dhe aleancës se bekuar të Kosovës me SHBA”.

Ky grant i ri i marr nga MCC, bazohet në grantin e nënshkruar prej 49 milionë dollarësh nga Marrëveshja e mëhershme e Pragut.

Ndryshe, Korporata e Sfidave të Mileniumit është një degë e Qeverisë amerikane që sjell investime në fusha kritike për krijimin e vendeve të reja të punës.