Albin Kurti: Ushtria, fitore e Kosovës!

Kryetari i Lëvizjes Vetëvendosje, Albin Kurti, tha se votimi i Ushtrisë së Kosovës është fitore për secilin njeri që ka vuajtur dhe ka sakrifikuar për shtetin.

Më meritorët për këtë ditë, tha ai, janë martirët dhe dëshmorët, të cilët kanë dhënë jetën për liri ndërsa theksoi se mbi 70 amendamente të projektligjeve janë të grupit Parlamentar të LëvizjesVetëvendosje.

“Me këto tri ligje të reja në Republikën e Kosovës janë bërë dy hapa të mëdhenj përpara. Së pari, Kosova ka fituar Ministrinë e Mbrojtjes dhe së dyti është avancuar progresivisht Forca e Sigurisë së Kosovës drejt ushtrisë së shtetit drejt Forcave të Armatosura të Republikës së Kosovës. është e domosdoshme që në ditët, javët, muajt e vitet në vijim këtë avancim formal e juridik ta përcjellim gjithashtu edhe më përkushtim buxhetor në mënyrë që ta ngrisim edhe kapacitetin vetëmbrojtës të Forcës së Sigurisë së Kosovës. Por, njëkohësisht edhe sasinë e cilësinë .. në mënyrë që t’i rrisim aftësitë për mbrojtjen e vendit tonë e shtetit tonë. Në veçanti dy amendamente ishin tejet të rëndësishme, amendamenti 7 dhe 42. Amendamenti 7 e fuste fjalën sovranitet në ligjin e ri, ndërkaq amendamenti 42 e hiqte kufizimin për 5 mijë pjesëtarët për Forcën e Sigurisë së Kosovës,” tha Kurti.

Ndërkohë, për kërcënimet e shtetit serb,kryetari I Lëvizjes Vetëvendosje ai tha se Kosova nuk duhet t’ja kthej meurrejtje por të zmbrapset çdo ndërhyrje hegjemonike e shoveniste të saj.“Kërcënimete Serbisë janë mënyra e saj dhe unë jam i bindur që përvoja na ka mësuar senëse sillemi but, nëse sillemi në mënyrë tejet bujare me Serbinë ajo nuk mbledhmend. Përkundrazi, e konsideron këtë si dobësi tonën. Unë nuk them që ne t’iakthejmë Serbisë me gjuhën e urrejtjes sikurse bënë ajo me neve, por ne duhet tëjemi me integritet, me dinjitet dhe ta konfirmojmë pavarësinë e shtetit tonëdhe ta zmbrapsim çdo ndërhyrje hegjemonike e shoveniste të saj.”