Protesta e Studentëve/ Sot vazhdon përshkallëzimi i protestës, ja axhenda…

Kryeministri Edi Rama e bëri të qartë mbrëmë se tri nga tetë kërkesat e studentëve nuk mund të plotësohen, por studentët e ritheksuan se nuk do të tërhiqen nga kauza e tyre deri në fund. Madje ata për sot kanë paralajmëruar një protestë ndryshe.

Studentët e drejtësisë u kanë bërë thirrje pedagogëve, gjimnazistëve, mësuesve dhe prindërve që t’i bashkohen protestës ku do bllokohen disa nga arteriet kryesore të Tiranës, para se të mblidhen në orën 10:00 tek Kryeministria.

Ata njoftojnë se ata do të bllokojnë sheshin Willson, ndërsa studentë të universiteteve të tjera do bllokojnë të tjera sheshe dhe rrugë përfshirë kryqëzimin tek 21 Dhjetori, rrethrrotullimin tek Dogana dhe kryqëzimin tek 9 katëshet prapa 15 katëshit.

Ndërkohë studentët e rretheve që nuk do mund të vijnë në Tiranë do të bllokojnë rrugën më të afërt me univesitetin e tyre.

Ndryshe, Kryeministri Edi Rama e bëri të qartë mbrëmjen e së hënës se tri nga tetë kërkesat e studentëve, nuk mund të plotësohen: rritja e buxhetit për Arsimin në 5 përqind të GDP-së, rritja e përfaqësimit të tyre në vendimmarrje në mënyrë të barabartë me pedagogët apo anëtarët e qeverisë në bordet e universitet.