Video/ Spektakli i Edi Ramës në UBT, Studentja: S’na thanë që do vinit ju në mbledhje, unë po iki…

Derisa studentët vazhduan me itinerarin e përcaktuar një ditë më parë të protestës, me bllokimin e rrugëve dhe protestës para kryeministrisë, kryeministri Edi Rama vazhdoi me spektaklet e tij të takimeve me studentë, këtë radhë në Universitetin Bujqësor të Tiranës.

Ndërsa po shpaloste këndvështrimin e tij për 8 pikat e parashtruara nga studentët në protestë, një studente mori fjalën, dhe pasi ia bëri pyetjen rreth tarifës, i tha Ramës se Rektori i kishte gënjyer për këtë mbledhje, dhe se ata nuk e dinin që do të ishte ai prezent.

“Nuk na njoftoi njeri që do vinit ju sot në këtë mbledhje, unë po braktis mbledhjen sepse ju po na përçani,” u shpreh ajo.
“Ku e pret përgjigjen, duke ikur?” iu përgjigj Rama.
“Ma thoni ju përgjigjen dhe të iki pastaj,” ia ktheu studentja.
“Rektori po na gënjen se nuk na tha që do vini ju dhe do kishim mbledhje me ju,“ shtoi tha ajo.
“Nuk ju ndryshojmë dot rregullat e mirësjelljes, nuk jeni të detyruar të rrini nëse nuk doni të rrini,” tha Edi Rama.

Por pavarësisht se kishte ardhur për të biseduar me studentët, ky ishte vetëm njëri nga episodet e shëmtuara të sjelljes së kryeministrit që si zakonisht të fton në dialog dhe nuk lenë të tjerët të mendojnë ndryshe nga ai.

Kjo ka bërë që edhe nga studentët para kryeministrisë të marrë përgjigjen:

Jo dialog!