Protesta/ Diaspora dhe Bregu i Lumit: Ta rrëzojmë një orë e më parë këtë pushtet të krimit…

Përfaqësues të Diasporës shqiptare janë mbledhur sot në ditën e dytë të protestës para Kryeministrisë ku i janë bashkuar edhe banorët e Bregut të Lumit që vazhdojnë protestën kundër shembjes së shtëpive pa u dëmshpërblyer në emër të projektit Unaza e Madhe.

Një shqiptar që jetojnë dhe punon në emigracion ndërsa mori fjalën duke konstatuar  gjendjen e rëndë ekonomike në të cilën ndodhet Shqipëria tha se nuk duhet lënë asnjë pushtetar përderisa ai nuk mbanë premtimet:

“Ky kryeministër ka mbaruar, ju bëj thirrje gjithë shqiptarëve të ngrihen e ti shporrin, të vënë një standard, mos i lini me shumë nëse nuk mbajnë premtimet.”

Ndërsa një i ri gjimnazist që jeton jashtë vendit tha para pjesëtarëve të diasporës shqiptare që po protestonin përpara kryeministrisë se janë më shumë se 1000 arsye për të protestuar. “Jam 16 vjeç dhe ndodhemi këtu për të protestuar. Protestoj se në vendin tim të bukur ka 1000 arsye për të protestuar. Protestoj kundër krimit, kundër korrupsionit, protestoj për të drejtat e mia. Protestoj në mbështetje të studentëve sepse edhe unë jam një i ri. Unë e kam humbur shpresën tek ky vend, tek gjykata dhe prokuroria. Nga ky vend i mbushur me urrejtjen tuaj, t’u tregojmë kusarëve se Shqipëria i përket shqiptarëve. Ta rrëzojmë një orë e më parë këtë pushtet të krimit.”