Ja çfarë ka dëshirë Ramush Haradinaj ti sjellë Babagjyshi i Vitit të Ri

Kryeministri i Kosovës, Ramush Haradinaj tha se ka dëshirë që Babagjyshi i Vitit të Ri t’ia sjellë një karrige, por ajo është në OKB.

Haradinaj ka postuar një video ku së bashku me bashkëshorten e vet, Anitën ka përgatitur dhurata të cilat më pas i kanë shpërndarë një njërën nga çerdhet në kryeqytet.

Kryeministri i Kosovës, aty pati edhe pyetje nga fëmijët. Përveç se pyetën çka dëshiron t’i sjellë Babagjyshi, e pyeten pse nuk qesh më shumë, ndërsa, Haradinaj iu përgjigj se lodhet gjatë ditës dhe harron të qesh nga një herë.

“Sfidat vetëm na forcojnë. E kemi gjetë vendin pa energji, pa prodhim , me rrëzik të rritet çmimi dhe mos me pas energji. Sot konsumojmë energji të Kosovës. Edhe sot jemi të sfiduar në energji por jemi këtu dhe jemi të fort. E kemi gjetë vendin pa përmbyllur infrastrukturën e sigurisë, pa ushtrinë e vet, e kemi ushtrinë. Ka edhe diçka, sot në tavolinat tona kemi shumë më shumë prodhime vendore. Nuk do të ndalemi dhe nuk do të dorëzohemi para sfidave. 2019 do të jetë vit i ekonomisë dhe vendeve të punës”, tha Haradinaj në videon e postuar në Facebook.