Kur policia ndërpreu kërkimin, dallgët nxjerrin në breg trupin e pajetë të peshkatarit

Pas katër ditësh, kur polumbarët kishin ndërprerë kërkimet për shkak të motit të keq, ishin dallgët që nxjerrën në breg të liqenit të Ohrit, trupin e pajetë të peshkatarit të zhdukur prej 31 dhjetorit 2018.

Më 2 janar 2019, familjarët bënë denoncimin në polici se kishin humbur kontaktin me peshkatarët. Po atë ditë policia arriti të gjente varkën e 53-vjeçarit, Gëzim Seitllari në afërsi të fshatit Udënisht.

Njoftimi i Policisë Pogradec:

Sapo jemi njoftuar se trupi i pajetë i shtetasit G.S, 53 vjeç, banues në Memlisht, Pogradec, i cili kishte dalë për peshkim në datë 31.12.2018, është gjetur.
(Dallgët e forta, e kanë nxjerrë në breg të liqenit).
Polumbarët nuk kanë mundur të bënin kërkime as ditën e sotme, për shkak të kushteve atmosferike.