Durrës, maskat grabisin familjen e biznesmenit

Tre persona të maskuar kanë grabitur në mbrëmje banesën e një biznesmeni transporti në Shkozet të Durrësit.

Paraprakisht deklarohet se tre persona të armatosur e të maskuar, pasi kanë ndjekur lëvizjet e biznesmenit, i kanë zënë pritë pranë shtëpisë. Në çastin kur është kthyer me të birin në banesë nën kërcënimin e armës kanë hyrë në banesë dhe pasi i kanë lidhur u kanë marrë një shumë të konsiderueshme parash që familja e kishte në banesë.

Gjatë largimit, grabitësit kanë lidhur personat e pranishëm në banesë dhe për të shmangur ndjekjen kanë marrë me vete djalin e biznesmenit të cilin e kanë lënë të lirë disa minuta më vonë

Nga të dhënat e para, dyshohet se vlera e grabitur është rreth 10 mijë euro.

Biznesmeni ka bërë kallëzim duke vënë në lëvizje policinë, që ka nisur kërkimet për gjurmët e keqbërësve