Këshilli Kombëtar i PD/ Vendimet, Paloka: Rrëzimi i Edi Ramës, Qeveri kalimtare…

Nënkryetari i Partisë Demokratike, Edi Paloka, ka bërë të ditur se në vijim të punimeve të Këshillit Kombëtar të PD, janë marrë dy vendime të rëndësishme: së pari, protesta në mbarë vendin për të rrëzuar Edi Ramës dhe Qeverisë, dhe në vend të saj, krijimin e një qeverie kalimtare, që të përgatisë zgjedhjet.

“Sot Këshillit Kombëtar iu kërkua të vendosë lidhur me qëndrimin politik të PD dhe Këshilli ngarkoi strukturat drejtuese për organizimin e protestave në mbarë vendin me një qëllim të vetëm rrëzimin e qeverisë dhe Ramës. Këshilli mori vendim politik që si zgjidhje politike pas rrëzimit të Ramës, një qeveri kalimtare të organizojë zgjedhjet e lira dhe të ndershme. Kjo do të jetë rruga që do të ndjekë PD dhe do të mbështet nga gjithë opozita e bashkuar,” tha Edi Paloka.

Vendimet për pjesëmarrje ose jo në Parlament dhe çdo çështje tjetër do të merret në funksion të rrëzimit të Edi Ramës.