Basha në Shkodër/ Edhe personat me aftësi të kufizuar nuk shohin tjetër zgjidhje: “Me u çu të tërë e me e heq atë farë!”

Në kohën që kryetari i Partisë Demokratike, Lulzim Basha po zhvillonte takime me tregtarët në Tregun e lagjen Zdrale në Shkodër, për të kuptuar situatën reale që ka kapluar vendin nën sundimin e Edi Ramës, takoi dhe një zonjë me aftësi të kufizuara, e cila i rrëfeu për gjendjen ekonomiko-sociale dhe pamundësinë për të jetuar nën një kujdes të tillë shtetëror:

“Pensioni nuk po na del as për ilaçe. 1.500 lek një kilogram presh. Ça me ble më parë. Frutat s’i shohim me sy. Me këtë pension çfarë me ngrënë, çfarë me pi,” iu drejtua zonja liderit të opozitës i cili nuk konstatoi asgjë më pak se një gjendje të mjerueshme që ka mbërthyer ekonominë shkodrane në çdo qelizë:

“Prindi i keq e shkatërron shtëpinë, qeveria e keqe shkatërron vendin,” tha Basha ndërkohë Zonja e plotësoi:

“Me u çu të tërë e me e heq atë farë!”

Por Basha përsëriti se shpresë ka për këtë vend:

“Të gjithë bashkë më 16 Shkurt!”

Zonja me aftësi të kufizuar duke qenë dakord me kryetarin e Partisë Demokratike u shprehë:

“Jam kështu, në karrocë invalidi, por atje kisha ardh!”

Të gjithë njëzëri u pajtuan me Lulzim Bashën:

“Je zgjedhja e duhur e Partisë Demokratike!” theksuan qytetarët ndërsa kryetari i Partisë Demokratike, Lulzim Basha përsëriti ftesën edhe me këtë rast: “Kjo është zgjedhja që duam për Shqipërinë. Që njerëzit të zgjedhin. Kur zgjedh krimi dhe kur zgjedhin oligarkët pastaj përfundojnë me këtë që e ka mendjen të shkojë nëpër ekspozita, dhe njerëzit i ka lënë me sytë nga qielli. Ju ftoj që me datë 16 të dalim të gjithë bashkë në Tiranë!”