Në një kontenier me kafe, kapen 650 kg kokainë

Në Portin e Livornos në Itali është kapur një sasi prej 650 kg kokainë.

Droga ishte e ndarë në 582 pako në 23 çanta dhe ishte fshehur në një kontenier me kafe, e cila vinte nga Amerika Latine, raportojnë mediat italiane.

Operacioni në Portin e Livornos ku u konfiskuan 650 kg kokainë nga Policia Financiare dhe Agjencia Doganore u përshëndet edhe nga ministri i Brendshëm, Metteo Salivini.

“Operacion i jashtëzakonshëm. Faleminderit në emër të të gjithë italianëve,” shkruan Salvini në rrjetin social Twitter.

Ndryshe, sipas autoriteteve italiane kjo është sasia më e madhe e kapur në 10 vitet e fundit.