Presidenti Trump, shefave të inteligjencës: Kthehuni sërish në shkollë!

Presidenti i SHBA, Donald Trump i ka përshkruar Agjencitë e Inteligjencës amerikane si “naïve” sa i përket vlerësimit të tyre në çështjen se sa kërcënim përbën Irani për Shtetet e Bashkuara.

“Keni kujdes nga Irani. Ndoshta inteligjenca duhet të kthehet sërish në shkollë,” tha Presidenti Trump përmes një postimi në Twitter.

….a source of potential danger and conflict. They are testing Rockets (last week) and more, and are coming very close to the edge. There economy is now crashing, which is the only thing holding them back. Be careful of Iran. Perhaps Intelligence should go back to school!

— Donald J. Trump (@realDonaldTrump) January 30, 2019

Reagimi i tij ka ardhur pas publikimit të një raporti të inteligjencës amerikane, në të cilin është thënë se Irani nuk është duke krijuar armë bërthamore, raporton RFE.

Përveç tjerash në raport është thënë se Korea Veriore “nuk ka gatishmëri për të hequr dorë plotësisht” nga armët dhe kapacitetet prodhuese.

Drejtori i inteligjencës kombëtare, Dan Coats dhe shefa tjerë të inteligjencës e kanë prezantuar këtë raport të martën para Senatit.

Presidenti amerikan, Donald Trump është tërhequr nga marrëveshja bërthamore e vitit 2018 që Irani ka me fuqitë botërore dhe ka vendosur sanksione të ashpra kundër Teheranit.

Ai po ashtu ka nisur presion të madh diplomatik për të përmirësuar marrëdhëniet me Korenë Veriore, duke takuar liderin e këtij shteti, Kim Jong-un, për të diskutuar denuklearizimin e Gadishullit Korean.

Në atë kohë, Presidenti Trump ka pretenduar në atë takim se Korea Veriore nuk përbën më kërcënim bërthamor për botën.