Afati i pedagogëve/ Përgjigjet ministrja Shahini: Bojkoti dhe ultimatumet nuk janë…

Pas takimit me Pedagogët dhe afatin që ata i vendosin Ministrjes së Arsimit, Besa Shahini, kjo e fundit në një dalje publike, duke e pranuar se takimi me pedagogët nuk ka prodhuar rezultat konkret e as dakordësi mes palëve, e qujti krejt normale.

Sa i përket “bojkotit dhe ultimatumit”, ministrja e Arsimit tha se nuk janë mjetet e nevojshme në një situatë kur vëmendja jonë është te arsimi i lartë dhe kemi nisur procesin e dialogut.

Ministrja Shahini dha edhe detaje nga takimi me këtë rast duke bërë të ditur se i ka përgëzuar pedagogët për nismën e tyre dhe përpjekjet për të mbledhur asambletë.

“I ftova për t’i shpjegur paktin për universitetin, dhe se kemi qëllim të përbashkët, përmirësimin e cilësisë së Arsimit të Lartë. Nuk u dakordësuam, por është krejt normale. Takimi shërbeu për të shuar edhe keqkuptime që disa pedagogë kishin për paktin, ne do të vazhdojmë ti dëgjojmë të gjithë por do të vijojmë duke udhëhequr. Për të arritur në fund tek një kontratë mes qeverisë dhe studentëve,” tha ministrja e Arsimit, Besa Shahini.