SPAK në rrezik!/ Euralius sjellë shembullin e keq në Shqipëri, Tamara Laptosh!
Sot Ish-drejtuesja e Prokurorisë Speciale për Korrupsionin dhe Krimet e Rënda të Kroacisë, USKOK, Tamara Laptosh, e angazhuar nga Euralius, filloi mandatin e saj dy vjeçar për të monitoruar ngritjen e Strukturës së Posaçme kundër Korrupsionit dhe Krimit të Organizuar SPAK.
Për Tamara Laptosh është folur shumë në mediat shqiptare, për gruan e hekurt që arrestoi Ish-kryeministrin e Kroacisë, Ivo Sanader, dhe gruan që u shpall në vitin 2011 “Prokurore e vitit” nga Shoqata Ndërkombëtare e Prokurorëve.
Mediat e afërta me Edi Ramën si zakonisht propagandën e kanë mjetin më të fortë, por çuditë Euralius, i cili jo për herë të parë sjellë shembull të keq në Shqipëri, ose më mirë të themi shumë të keq për Reformën në Drejtësi, tashmë duke vënë në pikëpyetje edhe SPAK-un.
Çfarë mund të monitoroj prokurorja Tamara Laptosh, apo cili do të jetë shembulli i mirë i ngritjes së një institucioni kaq të rëndësishëm në Shqipëri, si SPAK, i cili mendohet se do ta luftoj krimin e organizuar dhe korrupsionin, Hypo apo HEP-Dioki?! I pari, me të cilin Tamara Laptosh u bë e famshme, dhe i dyti i cili mund të ndërlidhet me çdo qeveri shqiptare dhe sezon të blerjes së energjisë elektrike në Shqipëri.
Hypo dhe HEP-Doiki
Lufta e madhe e USKOK u propagandua shumë nga regjimi i Edi Ramës me rastin e Ivo Sanader, edhe pse ky tollumbac u shfry shumë shpejtë, sa u bë edhe turp i drejtësisë kroate.
Filloi me Hypo dhe Ina-Mol, për ta dënuar Ish-kryeministrin Ivo Sanader, me 10 vjet burg, për t’ju ulur dënimi nga Gjykata e Lartë në 8.5 dhe për tu kthyer në rigjykim nga Gjykata Kushtetuese, duke përfunduar në tetorin e vitit të kaluar me një dënim prej 2 vjet e gjysmë burg. Ndërsa HEP-Dioki sot më shumë është komedi se sa një akuzë që mund të ngrihet ndaj një kryeministri.
Në fakt, afera e njohur si Hypo, pavarësisht se shqiptarët e njohin si çështje që arrestoi Ish-kryeministrin, ka të bëjë me Ish-Zv/ministrin e Jashtëm, Ivo Sanader për një çështje të vitit 1995. Gjyqtarja e Qarkut Zagreb, Jasna Galeshiç në vendimin e saj të 22 tetorit 2018, konfirmoi se Sanader duhet të kthej pasurinë që kishte përfituar prej 3.6 milionë kuna (rreth 500 mijë euro), dhe u quajt përfitues i gjendjes së luftës duke u dënuar me 2 vjet e 6 muaj burg.
Në rastin Hypo, Sanader akuzohet se si Zv/ministër i Jashtëm kishte marrë një provizion prej 3.6 milionë kuna pasi banka austriake i kishte miratuar shtetit kroat një kredi për blerjen e një përfaqësie diplomatike. Meqë bëhej fjalë për kohën kur Kroacia ishte e rrezikuar nga lufta, Sanader u akuzua si përfitues nga lufta.
Në rastin HEP-Doiki, Ish-kryeministri Ivo Sanader dhe i akuzuari tjetër Robert Jezhiç janë liruar nga akuza për shitjen e lirë të energjisë elektrike Doikit në dëm të
Kompanisë Elektroenergjetike të Kroacisë, HEP, dhe dhënies hua kësaj kompanie të Jezhiçit. Në rastin e quajtur HEP-Doiki me kryeministrin akuzohej edhe Ish-drejtori i HEP, Ivan Mravko i cili ndërohë kishte vdekur.
Meqë avokatët e Sanaderit Mravkon nuk e ngjallnin dot, ai në dëshminë e tij për prokurorinë e Tamarës kishte fajësuar ish-kryeministrin Sanader, dhe avokatët kërkuan që çështja të pushohet. Madje në marsin e vitit 2018 kur akuza u përcaktua pas ribërjes, avokatët e Sanaderit theksuan se dëshmia e Mravkos nuk mund të jetë bazë që ai të dënohet. Pra, jo dokumenta apo fakte por thjeshtë një dëshmi e drejtorit të HEP që “dëshmohej” se Sanaderi e shiti energjinë më lirë.
Këtë avokatët e e përsëritën edhe në pretencën e tyre. Por avokatët Çedo Prodanoviç dhe Jadranka Sllokoviç ishin të paknaqur edhe me pafajësinë e dhënë nga gjykata:
“Kjo pafajësi nuk na kënaq në veçcanti sepse sipas qëndrimit tonë, kjo vepër as që duhej të akuzohej, e me vdekjen e zotit Mravko as që duhet të procedohej. Këtu kemi përgjigjen se pse 98 % e akuzës së USKOK-ut miratohet,” tha Prodanoviç .
Me këtë rast ata thanë se do të ankohen në vendimin gjyqësor në të gjitha instancat.
“Bëhet fjalë për manipulim të USKOK-ut, i cili, meqë kemi të bëjmë me nje çështje të vjetër, vendosi ta akuzoj Sanaderin për përfitim në gjendje lufte edhe pse kjo vepër penale nuk ka lidhje me përfitim në gjendje lufte dhe as që ka lidhje me periudhën e luftës,” tha Sllokoviç.
Gjithsesi për vendimin final gjyqtarja e bëri të qartë se Sanader me rastin e kushteve për hua kishte ra dakord që Hypo Banka ti jap atij një provizion prej 5 %, që ishte rreth 7 milionë shilinga dhe e dënoi me 2 vjet e 6 muaj burg.
Hypo dhe HEP-Doiki shqiptar
A ka Hypo dhe HEP-Doiki në Shqipëri dhe sa mund ti vlejë SPAK-ut një eksperte si kroatja Tamara Laptosh e cila tashmë është vendosur në Prokurorinë e Krimeve të Rënda?!
Për fat të keq Hypo ka në çdo ministri dhe jo vetëm në atë të jashtmen, duke filluar që nga krijimi i shtetit shqiptar. Sot, jo 5 % por 10 % që dikur ishte legjendë urbane është thyer në “kafe për shefin” si mjet pune i biznesit shqiptar. E nëse i referohemi rasteve kroate, dhe këshillave që mund të jap prokurorja Laptosh, SPAK mund ti shërbej vetëm regjimit të Edi Ramës!
Me ndërtimin e akuzës në këtë mënyrë, jetëgjatësia e regjimit të Edi Ramës mund të shkoj në pafundësi ndërsa arrestimet, si me rastin e Guvernatorit të Bankës, Ardian Fullani ose kryebashkiakut të Vlorës Shpëtim Gjika, mund të mbushin çdo ditë ekranet televizive që vazdojnë të jenë nën kontrollin e Edi Ramës.
HEP-Doiki, ndonëse pas përfundimit të procesit gjyqësor na del një skenar filmi ose rrëfim i një drejtori të trembur me burg, ngjarje të tilla reale ka në çdo tender të importit ose eksportit të energjisë elektrike në Shqipëri. Për ndërtimin e akuzës sipas modelit “Tamara”, Edi Rama mund të mbushë jo burgjet shqiptare, por të gjitha burgjet e Ballkanit. Ky është dhe rreziku i Reformës shqiptare në Drejtësi, kur do të harrohet edhe bastardimi që ky regjim i bëri KPK-së me gjykatës dhe prokurorë që iu nënshtruan vettingut.
Që të mos ndodhë kjo, duke pasur parasysh SPAK-un që mund të përfundoj në duart e gabuara, dhe duke mos dal nga orbita kroate e Euralius, vlenë të theksohen dy nga komentet e ekspertëve kroat për mediat e Kroacisë, kur më 22 Tetor u dha vendimi për Ivo Sanaderin, në mënyrë që të kuptohet edhe rrezikureal që mund ti ndodhë vendit tonë.
“Drejtësia është e avasht. Gjykimi edhe më i avasht. Aq shumë vonon sa vlenë ‘delayed law denied law'”, e komentoi shkurt rastin “Sanader” profesori i Fakultetit Juridik në Zagreb, Josip Kregar.
Por a mund të quhen drejtësi, çështjet Sanader?! Kështu i vlerëson gjykatësi i Gjykatës Tregtare në Zagreb, Misllav Kollakushiç:
“Drejtësia është një term i cili në Kroaci është shuar me dhunë dhe nuk ka kurrfarë peshe. Madje është bërë çështje humori. Ndjenja e sundimit të ligjit dhe drejtësisë është baza e çdo shoqërie. Kur qytetarët nuk besojnë në drejtësi të cilën duhet ta sigurojnë institucionet, mbretëron korrupsioni. Kur mbretëron korrupsioni, qytetarët janë të varfër. Kur qytetarët janë të varfër, ata emigrojnë. Kur qytetarët emigrojnë, Kroacia zhduket, sepse Kroacia janë njerëzit. Për fat të keq, në Kroaci më lehtë është të gjendet një person i cila beson se ekzistojnë jashtëtokësorët se sa institucionet të publikojnë detyrat e tyre bazë,” thekson Kollakushiç.
Në pyetjen direkte se çfarë do të thotë për Kroacinë dhe drejtësinë e saj që Sanader deri më sot nuk ka asnjë vendim të formës së prerë, Kollakushiç sqaron:
“Do të thotë që e kemi akuzuar gabimisht njeriun ose që ligjet dhe organizimi i drejtësisë kërkon një reformë rrënjësore nga maja deri në fund,” përfundon Kollakushiç në fund.”
Pra, sot kur SPAK e me të edhe Shqipëria është në rrezik, sepse kryeministër vazhdon të jetë Edi Rama,nuk është e tepërt të përsëritet: “Kur qytetarët nuk besojnë në drejtësi të cilën duhet ta sigurojnë institucionet, mbretëron korrupsioni. Kur mbretëron korrupsioni, qytetarët janë të varfër. Kur qytetarët janë të varfër, ata emigrojnë. Kur qytetarët emigrojnë, Shqipëria zhduket, sepse Shqipëria janë njerëzit!”
