Të gjithë drejtë Tiranës në Protestën e Madhe

Përkundër faktit se Edi Rama ka përdorur metoda të shumta represive kundër Protestës së Madhe, si me bllokimi e rrugëve, mjeteve private të transportit dhe kërcënimeve lokale,   mëngjesi i 16 Shkurtit ka gdhirë me nisjen e qytetarëve nga e gjithë Shqipëria drejtë Tiranë për ti dhënë fund pushtetit, siç pohojnë,  pushtetit  kriminal të Edi Ramës.

“Kukësi u nis! Te gjithë para kryeministrisë! O sot o kurrë, të mbrojmë demokracinë!” Ky është mesazhi i kryetarit të PD Dega Kukës, Arif Rexhmati, duke shtuar:

Shkodranët si gjithmonë janë të qartë,: Edi Rama ke marrë fund! Kjo është porosia që kryeministrit Edi Rama i vjen nga qytetarët e Shkodrës , para nisjes drejtë Tiranës për të marrë pjesë në protestën e madhe.

Deputeti i PD Luan Baçi i ka bërë një paralajmërim, Policisë së Shtetit, nga qyteti i Fierit, që të mos bëjë gabimin e pafalshëm për të vonuar protestuesit nga rrethet që që të mbërrijnë në Tiranë, duke i bllokuar dhe kontrolloruar mjetet me të cilat ata po udhëtojnë.

“Siç e shihni, Fieri është këtu, tek sheshi qëndror i qytetit, – tha Baçi për mediat, –  po nisen dhe po vërshojnë drejt Tiranës. Nuk janë vetëm këtu, janë tek rrethrrotullimi i Sharrës, janë tek QTU-ja, janë në të gjitha zonat rurale, janë në Cakran, në Dërmenas, në Libofshë, në Mbrostar, gjithandej.”

Ndërkohë qytetarë e Rrogozhinës nisen drejtë Tiranës të gatshëm të përcjellin Edi Ramë tek Gruevski…

“Ky është fundi i hajdutëve” është mesazhi i vlonjatëve në nisje drejtë Tiranës ndërsa për Ediramë me antimitingun në Vlorë shtojnë:

“Një mi në çark, simboli për fundin e hajdutëve!”