Përmbysen 4 kamionë, Policia Rrugore pezullon lëvizjen…

Pas përmbysjes së 4 kamionëve në aksin rrugor Lezhë-Mabë, ku për fat të mirë nuk kishte të lënduar, Policia Rrugore është angazhuar me masa të shtuara pasi shpejtësia e erës aktualisht është shumë e fuqishme.

Për këtë arsye, Policia Rrugore ka marrë vendim të pezullojë lëvizjen e kamionëve me mbulesë deri në një njoftim të dytë, për të evituar aksidentet rrugore.

Policia Rrugore apelon drejtuesit e të gjitha mjeteve që qarkullojnë në këtë aks rrugor dhe në aksin Tepelenë-Fier të ngadalësojnë shpejtësinë dhe të tregohen të kujdesshëm, të kontaktojnë me punonjësit e Policisë Rrugore si dhe në numrin 112 për çdo problem që mund të kenë gjatë udhëtimit në këtë aks rrugor e më gjatë.