Seanca plenare/ Nesër Rama nis “krijimin e opozitës”. Opozita shqiptare protestë para Parlamentit…

Kryetari i Parlamentit të Shqipërisë, Gramoz Ruçi ka bërë publik Rendin e Ditës së seancës plenare të 5 Marsit e cila është parashikuar të filloj në orën 10:00.

Vërehet se përveç Projektvendimit “Për zgjedhjen e tre anëtarëve të Këshillit Drejtues të Radiotelevizionit Shqiptar”, të 11 Pikat e rendit të ditës janë rutinë parlamentare ndonëse Pika 4. e rendit të ditës, Projektligji “Për disa ndryshime dhe shtesa në ligjin nr. 125/2013, “Për koncesionet dhe partneritetin publik privat”, nga opozita është paralajmëruar si ndryshim për qëllime klienteliste.

Ndërkohë në këtë seancë bëhet e ditur se do të bëhet edhe betimi i katër deputetëve të LSI që sot pritet të marrin mandatin nga KQZ.

Ndonëse Opozita është e vendosur që ta zhvilloj protestën para Parlamentit përkundër refuzimit që i ka bërë Ministria e Brendshme, sot në mbledhjen e Grupit Parlamentar të PS deputetët kanë marrë garanci nga Sandër Lleshaj për hyrje të sigurt në seancë. Dhe, për të shmangur çdo përplasje, deputetët e PS janë urdhëruar që në orën 09: 30 të jenë futur të gjithë në sallë.

E paqartë mbetet vetëm sasia e gazit lotsjellës që do të përdoret, dhe perimetri i kontaminimit të qytetit të Tiranës, meqë Edi Rama nuk ishte i kënaqur pse ai kishte arritur vetëm deri tek 9-katëshet.