Veseli: Çdo qeveri mund të bjerë e Bondsteel nuk shkon

Kryetari i Parlamentit të Kosovës dhe kryetari i PDK, , Kadri Veseli, tha sot në Mitrovicë se çdo qeveri që rrezikon raportet me SHBA dhe bazën e Bondsteel mund të bie.

“Të gjitha Qeveritë mund të ecin e Bondsteeli jo. Asnjë Qeveri nuk mund të rrezikojë raportet e shenjta me SHBA. Ju e keni vërejt që unë jam tërhjekë nga ky debat dhe po më vjen turp se si po e trajtojnë qytetarin tonë. Nik bënë kështu. Kemi obligime. Kushtetuta është dhe ligjet janë. Qytetarët e Kosovës dhe institucionet e mbrojnë sovranitetin dhe intehritetin territorial të vendit tonë,” tha Kadri Veseli pas hapjes së qendrës së inovacionit dhe ndërmarrësisë në Mitrovicë.

“Serbisë do ti përgjigjemi ashtu si e meriton. Si me tarifë ashtu edhe me reciprocitet. Nuk duhet me na marrë këtë pjesë si sherr të vetvetes se e kanë tepruar disa duke e marrë si individuale. Nuk mundet askush vet me mbrojt Kosovën,” tha kryetari i Parlamentit të Kosovës, Kadri Veseli duke përfunduar:

“Ju kujtohet kur i pata thënë Avdullahut që me na lanë edhe neve me i ndihmu me mbrojt Kosovën. Edhe këta tjerët, njësoj duhet me ditë që më së miri Kosova mbrohet nga të gjithë bashkërisht. Ne politikanët e kemi përgjegjësi me ju përgjigjë qytetarëve, Kushtetutës dhe ligjeve të cilat janë në fuqi. I shenjtë është sovraniteti i Kosovës.”