Kriza politike/ I dërguari i BE në Tiranë, Danielsson takime me palët dhe…

Përkundër deklaratës së papërgjeshme të Delegacionit të Parlamentit Evropian se nuk ndërhyjnë në zgjidhjen e krizës dhe u takon partive politike në vend ta zgjidhin, BE angazhohet në përpjekjen e radhës për t’i dhënë zgjidhje krizës politike në Shqipëri .

Drejtori i Përgjithshëm për Politikat Europiane e Fqinjësi dhe Negocimet e Zgjerimit, Christian Danielsson, sot do të zhvillojë takime të veçanta në Tiranë me të gjithë drejtuesit politikë në Shqipëri.

Temë kryesore e diskutimit do të jetë situata politike në Shqipëri pas vendimit të Opozitës për dorëzimin e mandateve.

Takimin e parë, Danielsson do ta zhvillojë në orën 9:30 me kryeministrin Edi Rama, më pas në Zyrën e Delegacionit të BE do të presë përfaqësuesit e Opozitës.

Në fund takimeve, për 12:00 është parashikuar edhe një deklaratë për media, ku Drejtori i Përgjithshëm për Politikat Europiane e Fqinjësi dhe Negocimet e Zgjerimit, Christian Danielsson, do të shprehë edhe qëndrimin e BE në lidhje me krizën politike që u krijua dhe po thellohet në Shqipëri.