As Knuti nuk e kupton/ Balla nga Pogradeci: PS, gati për dialog por nuk tërhiqemi…
Sekretari i Përgjithshëm i PS, Taulant Balla, as nga Asambleja e zgjeruar e degës së PS Pogradec nuk ishte i qartë, aty ku komunistët e përbuzur dëgjonin me shumë kërshëri shpresën e tyre të vetme edhe pse e ka emrin Taulant dhe mbiemrin Balla. Partia Socialiste, tha Taulanti, është e gatshme të dialogoj por nuk tërhiqet, se si do ta realizoj atë këtë veprim politik një zot e di, ndërsa vazhdon të jetë i bindur se është i votuar për të çuar përpara reformat për shtet, punë dhe mirëqenie.
“Për fat të keq ka katër vite që Pogradeci është në duar të gabuara. Ne kemi një detyrë shumë të rëndësishme përpara. Sot jemi fiks 120 ditë nga dita kur ne do t’i kthejmë Pogradecit dinjitetin, moralin, përgjegjshmërinë dhe do ti japim një kryetar bashkie, i cili të punojë për Pogradecin, jo për bizneset e të vëllait të kryetarit. Kjo është një detyrë që ne kemi përpara. Unë jam i sigurt se me Xhakollin, Shalsin dhe të gjithë ekipin këtu ne do ta fitojmë Bashkinë,” tha Balla duke harruar se ishte pikërisht Partia Socialiste që shkatërroi këtë qytet dhe votuesit e penalizuan në zgjedhjet e fundit lokale duke I dhënë votën kandidatit të Partisë Demokratike.
Por Taulant Balla nuk u ndal me kaq. Pasi indoktrinoi mirë komunistët e Beratit, Korçës dhe Pogradecit për politikën e PS në këto bashki, doli në fushën tjetër, atë të opozitës, për të treguar rrugëtimin e partisw dhe shefit të tijw për themelimin e Opozitës së Edi Ramës:
“Plot djem e vajza shqiptarë të përgjegjshëm për të ardhmen e vendit do të marrin përgjegjësinë e përfaqësimit në Kuvend. Besoj se java e ardhshme do të jetë një javë intensive në këtë drejtim. Ne jemi votuar të çojmë përpara reformat për shtet, për punë dhe mirëqenie. Kur flasim për shtet, Reforma në Drejtësi është reforma kryesore. Prandaj erdhëm sot! Për t’ju thënë se ne nuk tërhiqemi, për t’ju thënë se zgjedhjet e përgjithshme do të jenë në vitin 2021, se Kuvendi ka legjitimitetin e duhur, se qeveria ka legjitimitetin e duhur dhe se jemi të gatshëm të dialogojmë me atë çfarë ka mbetur nga opozita në degradim. Kurrsesi ne nuk mund të bëjmë negociata në kurriz të demokracisë”, tha Sekretari i Përgjithshëm i PS, Taulant Balla, për ti lënë fjalën papagallit 12 vjeçar të bashkisë së Tiranës, aktualisht Ministër i Shtetit për Mbrojtjen e Sipërmarrjes dhe deputet i zonës, Eduard Shalsi.
Këtë radhë nuk kishte nevojë të gjëmonte kamerat ku janë e ku s’janë sepse i kishte në gjendje gatishmërie në Asamble, aty ku sopata ishte gati për të prerë malin e PD dhe LSI.
I shumëdituri Shals tha se nuk ka nevojë ti tregojmë më shqiptarëve kush është Sali Berisha, 30 vjet protagonist në politikë, apo Monika, apo Luli.
“Kontrasti ishte i tillë që një grusht njerëzish, numër i kufizuar, përpiqen të krijojnë tension, duan të prishin imazhin e Shqipërisë, pikërisht në këto momente deçizive dhe pjesës tjetër të popullsisë. Më besoni ditën që sulmohej Parlamenti, pedonalja e Tiranës ishte plot me njerëz,” tha Eduard Shalsi e rilindasit e shkretë nuk kishin ndonjë përzgjedhje të madhe, Taulantin ose Shalsin ta besojnë. Meqë i pari ndryshoi tre kryeministra dhe në të tre rastet ishte një shërbëtor i shëmtuar i oborrit kriminal, më i besuar ngeli ai që nuk mashtroi në nivel kombëtar sepse nuk kaloi gardhin e kryeqytetit. Dhe, kur e kaloi për një moment në këtë Asamble, e kuptoi se vetëm përmendja e emrit të Sali Berishës ndezë tek elektorati i tyre primitiv, kështu dhe bëri:
“Dy herë ka qeverisur Sali Berisha, një herë e ka çuar vendin në prag të luftës civile dhe herën e dytë në buzë të humnerës. Sot ne jemi akoma më të vendosur, sepse është populli akoma më i vendosur për të parë frytet e Reformës në Drejtësi. Jemi në finale të konsolidimit të një procesi, i cili do të hapë një kapitull të ri për Shqipërinë. Kjo është ajo që i tremb ata,” foli Shalsi për ata që janë trembur aq shumë sa as armët kimike dhe policia kriminale e Ish-Gjeneralit nuk po i spraps dot në rrugën e tyre drejtë shembjes së regjimit diktatorial të Edi Ramës.
