Zgjedhjet 2019/ PS kandidon me 5 deputetë, ja kush i zëvendëson…

Përfshirja e disa deputetëve të Partisë Socialiste, PS, në garën për kryetarë bashkie në zgjedhjet vendore të Qershorit 2019, do të çojë në dorëzimin e mandatit të tyre para nisjes zyrtare të fushatës.

Kështu ata do të pasohen nga emrat vijues të listës së kandidatëve në qarqet respektive.

Rakip Suli, deputet i Qarkut të Tiranës, do të zëvendësohet nga kryetar i Forumit Rinor Eurosocialist, Eljo Hysko.

Deputeti i Qarkut të Gjirokastrës, Flamur Golemi, do të zëvendësohet nga Drejtori i Postës Shqiptare, Laert Duraj.

Ilir Xhakolli, i cili do të kandidojë për Bashkinë e Pogradecit, do të zëvendësohet nga Ish-prefekt i Qarkut të Korçës, Ardit Konomi.

Pjerin Ndreu për Bashkinë e Lezhës do të zëvendësohet nga Zv/ministrja e Shëndetësisë, Adriana Jaku.

Deputeti i Qarkut të Elbasanit, Nuri Belba, i cili do të kandidojë për bashkinë Përrenjas, do të zëvendësohet nga Desantila Tahiraj.