Gjeneral Basilicata: Shqipëria, rrugë kalimi për heroinën nga Afganistani e Turqia

Kreu i Repartit të Parë në Drejtorinë e Përgjithshme të Antimafias Italiane, Gjenerali Antonio Basilicata ka paralajmëruar Shqipërinë se mund të preket nga mafia pulieze.

Në një intervistë eksluzive për OraNews, Basilicata tha se bashkëpunimi i grupeve pulieze dhe shqiptare mund të zhvendosen në vendin tonë, si pasojë e zhvillimeve në turizëm vitet e ardhshme.

Gjenerali Antonio Basilicata flet edhe për rolin dominues të kriminalitetit shqiptar në trafikimin e lëndëve narkotike në Itali e në Europë, lidhjet e tyre me ndranghetan kalabreze. Ai nënvizon se Shqipëria është dhe një rrugë kalimi për heroinën e ardhur nga Afganistani e Turqia. Kjo rrugë ballkanike ka çuar që të zhvillohen aftësitë e shqiptarëve në tregtimin e lëndëve narkotike.

Sapo është prezantuar në Parlamentin Italian raporti i fundit gjashtë mujor i Departamentit të Antimafias Italiane. Në një kapitull të vecantë të tij flitet për aktivitetin e mafiave të huaja në Itali me një preokupim të veçantë mbi rolin e krimit të organizuar shqiptar në territorin italian. Në krahasim me një vit më parë si është evoluar e cila është asktulisht preokupimi kruesor i aktiviteti kriminal shqiptar në Itali?

Në krye të Repartit të Parë të Antimafias Italiane kam për detyrë dhe të përgatis për Ministrin e Brendshëm e për Parlamentin Italian raportin gjashtëmujor mbi ecurinë e aktivitetit të krimit të organizuar italian e të huaj në Itali e jashtë saj. Në këtë raport të fundit kemi evidentuar të gjitha aktivitetin e grupeve kriminale autoktone e të huaja në territor. Në përgjigje të pyetjes tuaj mbi situatën e krimit të organizuar shqiptar më lejoni të ndërtoj një kronologji të ngjarjeve. Në fillim të viteve ’90 pas problemeve në Ballkan nisi emigrimi i shqiptarëve fillimisht kryesisht meshkuj e pas pak kohëve dhe i gjinisë femërore. Nga ky moment nisi dhe aktiviteti kriminal i tyre. Sot kjo situatë është zhvilluar shumë e nuk mund të japim një tregues të përgjithshëm me një emërues të përbashkët për të gjithë territori, pasi varet gjithmonë nga zona e aktivitetit të tyre. Kriminalitetit shqiptar në Itali zhvillohet sipas kërkesave gjeografike dhe kërkesave ekonomike të territorit. Natyrisht pozita gjeografike e Shqipërisë jep një lidhje të drejtpërdrejtë me rajonin e Puglias, prandaj kriminaliteti pugliez ka krijuar raporte mjaft të mirë me kriminalitetin shqiptar. Madje në një nga hetimet e fundit falë një skuadre të përbashkët investigative mes Antimafias së Barit dhe Policisë shqiptare mundëm të arrestojmë 46 persona. Çfarë do të thotë kjo? Do të thotë se Shqipëria duke qënë një urë drejt Europës e sidomos me Italinë përfaqëon një pikë gjeografike interesante sidomos për rrugën trafikut të lëndëve narkotike, Kjo rrugë e njohur si karteli i Ballkanit karakterizohet nga kalimi i të gjitha lëndëve narkotike nga Shqipëria drejt Italisë e gjithë Europës.

Mos të harrojmë se Shqipëria ka dhe auto prodhim të marijuanës, pra shqiptarët e tregtojnë vetë marijuanën. Por gjithashtu Shqipëria është dhe një rrugë kalimi për heroinën e ardhur nga Afganistani e Turqia. Kjo rrugë ballkanike ka çuar që të zhvillohen aftësitë e shqiptarëve në tregtimin e lëndëve narkotike.

Fillimisht kur kanë mbërritur në Itali, kriminalitetit shqiptar e ka nisur aktivitetin e tij me grabitje të bandave të organizuar në bazë të lidhjeve familjare e të repektit mes tyre, tipar që i karakterizon dhe sot. Krimet e para kishin të bënin me grabitje vilash , vjedhje etj e ende ekzistojnë në territor banda të tilla.

Sa i takon trafikut të drogës grupet kriminale shqiptare përveç marrëdhënies dominuese me rajonin e Puglias e kriminalitetin puglieze ekzitojnë prova gjyqësore të lidhjes së tyre më mafian kalabreze Ndrangheta duke krijuar raporte mes tyre. Disa operacione të fundit të DIA kanë evidentuar dhe në zonën adriatike italiane si në rajonin e  Molises, Abruzzo etj ekzistencën e grupeve kriminale shqiptare e lidhjeve të tyre më kriminalitetin italian. Them se sot aktiviteti kryesor i krimit të organizuar shqiptar në Itali mbetet  trafiku i drogës. Por nuk duhet të nënvleftëojmë dhe aktivitetin e tyre dhe në shfrytëzimin e prostitucionit dhe në atë të akteve të grabitjeve e vjedhjeve. Pra kriminaliteti shqiptar në Itali ka një raport të privilegjuar me trafikun e drogës që sjell shuma të mëdha parash, por  nëse duhet e është e nevojshme merret dhe me krime të tjera.

Por ka dhe një dicka tjetër që vlen të theksohet,  fakti se për kriminalitetin pugliez mund të jetë komode të vij e të investoj në Shqipëri duke qënë se Shqipëria parashikohet të jetë në të ardhmen dhe një vend me zhvillim turistik e nuk përjashtoj se dhe Shqipëria duhet të marrë masat nga influenca e mundshme e kriminalitetit pugliez e italian drejt Shqipërisë.

Keni sinjalizime për këtë fakt?

Sigurisht aty ku ka zhvillim ekonomik është dhe mafia që investon , mafia e kuptuar si një kriminalitet i strukturuar.

Pra nëse në të ardhmen imagjinojmë një zhvillim ekonomik të Shqipërisë dhe turizmit të saj, pa dyshim mund të parashikojmë dhe një ndërhyrje të kriminalitetit të organizuar në këtë vend.

Pra ju po paralajmëroni dhe rrezikun e ndërhyrjes së mafias italiane në Shqipëri, por pse pikërisht në Shqipëri e si shteti shqiptar  mund ta parandaloj këtë ?

Mafiet e kriminaliteti i organizuar kanë në zotërim shuma të mëdha parash për të ricikluara e natyrisht preferojmë zonat me zhvillim më të lartë ekonomik ku mund të investohen menjëherë para e të merren frytet e tyre.

Një tjetër aspekt interesant i riciklimit të parave, ku ka dhe një vëmëndje të veçantë në nivel europian me direktiva të shumta e aktualisht sapo ëshë aprovuar Direktiva e 5 e antiriciklimit, pra ky aspekt është se mafia individualizon ato vende e territore ku legjislacioni është më pak i vëmendshëm në parandalimin e aseteve.

Italia pasi historikisht ka jetuar me mafian, ka adoptuar instrumente shumë të veçantë që arrijnë në sekuestrimin dhe konfiskimin e të mirave materiale dhe aseteve jo vetëm si goditje pas akuzave të ngritura por dhe si masa parandaluese. Ky legjislacion italian mund të merret në konsideratë dhe nga vende të tjera. Pra kur mafia shkon e investon në vende ku lufta për parandalimin ndaj saj nuk ëshrë shumë i vëmendshme një gjë mjaft e rëdësishme që duhet bërë është të merren si shembull masat parandaluese ndaj aseteve të parashikuara nga legjislacioni italian e të imprtohen dhe në këto vende.

Si po evolujonë raportet e bashkëpunimit me autoritetet shqiptare në luftën kundër krimit të organizuar shqiptar?

Kemi një raport mjaft të mirë me policinë shqiptare. Kemi ngritur skuadra të përbashkëta investigime që funksionojnë. Pa bashkëpunimin me autoritetet shqitpare është e vështirë për ne të zgjidhim problemet e luftës kudnër krimit, pra të kemi rezultate.

Siç mëson historia e mafias italiane shpesh janë dëshmuar inflitrime mafioze në politikë. A keni ju sinjalizime për inflitrime të mafias shqitpare në politikën shqiptare?

Për momentin nuk kemi asnjë sinjalizim të tillë e ska ç’tju them!