Kryetarja e re e CDU/ Takimi në Bruksel, Basha: Mirënjohje për modernizimin e PD-së!

Kryetari i Partisë Demokratike, Lulzim Basha në takimin që zhvilloi në Bruksel me kryetaren e re të CDU, Annegret Kramp-Karrenbauer, shprehu mirënjohjen për mbështetjen që kjo parti i ka dhënë në hartimin e programit ekonomik dhe modernizimin e PD.

“Në Asamblenë Politike të Partisë Popullore Europiane në Bruksel pata nderin të takohem me Znj. Annegret Kramp-Karrenbauer kryetaren e CDU. Në emër të PD shpreha mirënjohjen për mbështetjen e partisë sonë simotër CDU në hartimin e programit tonë ekonomik dhe modernizimin e PD,” thekson Lulzim Basha përmes rrjetit social Twitter ndërsa po merr pjesë në Asamblenë Politike të Partisë Popullore Europiane, që po zhvillohet në Bruksel.

Në kuadër të Asamblesë Politike të Partisë Popullore Europiane në Bruksel, kryetari i PD, Lulzim Basha zhvilloi takime edhe me Presidentin e PPE, Joseph Daul, kandidatin e PPE për Presidencën e Komisionit Europian, Manfred Weber, Kryetarin e Komisionit të Jashtëm të Parlamentit Europian, David McAllister dhe personalitete të tjera europiane që bëjnë pjesë në këtë familje politike europiane.