Gënjeshtrat e Qeverisë, Lulzim Basha: Ja çfarë po hetohet…

Kryetari i Partisë Demokratike, Lulzim Basha, pas daljes sot nga Prokuroria duke sqaruar arsyet e këtij hetimi dhe jo gënjeshtrat dhe shpifjet për të cilat është investuar fuqimisht qeveria e cila e aktivizon këtë hetim, sa herë i duhet për nevoja politike, edhe një herë kërkoi nga prokuroria që të bëjë publike përgjigjet e ardhura prej më shumë se gjashtë muajsh nga SHBA dhe Britania e Madhe, të cilat vërtetojnë se PD dhe drejtuesit e saj nuk kanë shkelur asnjë ligj

“Jemi thirrur sot në Prokurori për të dhënë informacione si persona që mund të kenë dijeni për rrethanat e hetimit. Dua ta bëj të qartë, për gjithë secilin prej jush sot këtu dhe, përmes jush, të gjithë qytetarët, se hetimi i hapur tashmë prej një viti e gjysëm bëhet mbi bazën e nenit 190 për çeshtjen e plotësimit të formularëve të deklarimit në Komisionin Qendror të Zgjedhjeve.” 

Me këtë rast Lulzim Basha sqaroi se çfarë po hetohet:

“Pra çështja që po hetohet me kërkesë të Partisë Demokratike, është nëse këta formularë janë mbushur apo jo siç duhet. Ky është hetimi dhe jo gënjeshtrat dhe shpifjet për të cilat është investuar fuqimisht qeveria e cila e aktivizon këtë hetim, sa herë i duhet për nevoja politike,” tha kryetari i Partisë Demokratike duke sqaktësuar se ka një vit e gjysëm që ka nisur kyhetim, dhe:

“Ka më shumë se gjashtë muaj që kanë ardhur përgjigjet nga SHBA dhe Britania e Madhe, nga Skocia, të cilat vertetojnë se as Partia Demokratike, as një drejtuesi PD nuk ka shkelur asnjë ligj, as në Shqipëri, as në SHBA dhe as në Britaninë e Madhe.

Ndaji kam kërkuar prokurorisë dhe ju nxis ju t’i kërkoni t’i bëjë publike përgjigjet e ardhura nga SHBA dhe Britania e Madhe.” 

Por kryetari I PD, Lulzim Basha, vetëm sot është informuar për letërporositë, dhe po sot I kërkon që ato të zbardhen:

“Unë edhe një herë ju nxis t’i kërkoni prokurorisë të bëjë publike përgjigjet e ardhura prej më shumë se gjashtë muajsh nga SHBA dhe Britania e Madhe, të cilat vërtetojnë se PD dhe drejtuesit e saj nuk kanë shkelur asnjë ligj.”

Ndërsa Sekretari i Përgjithshëm i PD, Gazment Bardhi, pas përfundimit të dëshmisë nuk ka pranuar të bëjë asnjë koment, ndërsa tha se nuk ka asgjë për të shtuar nga sa tha kryetari i Partisë Demokratike, Lulzim Basha.

“Nuk kam asgjë për të shtuar nga çka thënë zoti Basha!”