Live. Protesta e Opozitës/ Filloi me dhunë dhe terror policor. Pas përgjakjes së protestës policia bënë thirrje…
Veprimet e para të policisë së Ish-Gjeneral Sandër Lleshajt ndaj banorëve të Unazës së Re ishte një ogur i zi për atë që do të ndodhë sot me protestuesit e Opozitës së Bashkuar. Kështu dhe ndodhi!
Përdorën dhunë në ekstrem, ku nuk kursyen as gazetarët, irrituan turmën me dhunën e pakuptimtë dhe tashmë i bëjnë thirrje protestuesve të ruajnë qetësinë, shenjë kjo për të shtuar dhunën dhe për të vepruar me të gjitha mjetet që i ka vënë në dispozicion Ish-Gjeneral Lleshaj.
“Parlmenti i krimit”
Protesta e Opozitës nisi me tensione. Pas përplasjes se parë me banorët e Unazë së Re, një numër protestuesish duke përfshirë këtu edhe femra janë ndaluar nga policia në hyrje të pedonales.
Raportimin e kësaj ngjarje në kohë reale nga mediat nuk e lejuan policët e Ish-Gjeneral Sandër Lleshajt, të cilët nuk kursyen nga dhuna as gazetarët, e këtu pësoi Erjon Skëndaj i New24.
“Kjo është dhunë, e paprecedentë, të dhunohen femrat, të vihet dorë mbi gratë është fundi,” tha Ish-deputetja e PD, Albana Vokshi ndërkohë në kor protestuesit po thirrnin:
“Sander Lleshi, dil te sheshi”.
Përpjekja e tyre për të çarë kordonin e policisë rezultoi me dhunë të pashembullt e cila si përgjigje mori këngët tradicionale të protestuesve tek Unaza e re:
“Hajde ta rrëzojmë Edin e Kristaqit. Na u mbush Shqipëria magazinë hashashi”, dhe “Edvin, hajdut, kazan, legen”…
Ndërkohë që Ish-deputetët po bënin thirrje për bashkimin e shqiptarëve në misionin e madh për largimin e një qeverie të krimit që nuk përfaqëson shqiptarët, plagoset një nga protestuesit para parlamentit të Shqipërisë vetëm pse po shprehte me zë, atë që po mendonte:
“Parlamenti i Krimit, Qeveri e korruptuar” dhe “Rama ik”.
Këto veprime të panevojshme të policisë irrituan edhe masën, e cila shtoi presionin drejtë kordonit policor ndërsa policia në situatën që e krijoi me veprimet e saj kriminale, filloi thirrje për ruajtjen e qetësisë, qetësi të cilën vetë e trazoi dhe tani i drejtohet organizatorit Gazment Bardhi, të marrë masa:
Thirrja e Policisë:
Ju lutemi ruani qetësinë.
Ndërpritni veprimet e dhunshme. Mos hidhni kapsolla, lëndë piroteknike dhe sende të forta në drejtim të policisë.
Ju bëjmë thirrje të distancoheni nga veprimet e dhunshme. Mos u përplasni me Policinë.
Veprimet e tubueseve janë në kundërshtim me ligjin. Policia do të zbatojë ligjin. I nderuar zoti Gazmend Bardhi, si organizator i tubimit, merrni masa që personat që hedhin kapsolla lende piroteknike apo sende te forta ti ndërpresin menjëherë këto veprime. Merrni masa qe personat qe mbajnë maska në tubim ose ti heqin ose të largohen.
