Soltes, shpresoj që regjimi i vizave do të hiqet para verës

Raportuesi për Kosovën në Parlamentin Evropian, Igor Solters, shpreson dhe është optimist që regjimi i vizave për Kosovën do të hiqet para verës.

“Unë sinqerisht shpresoj që heqja e regjimit të vizave për Kosovën do të bëhet para verës, por kjo varet nga Këshilli i BE-së, disa shtete e kundërshtojnë. Megjithatë ne jemi të sigurt se po ta vinte Këshilli këtë pikë në rendin e ditës, do të mund të arrinte shumicën e votave,” tha Solters duke sqaruar për televizionin publik të Kosovës, RTK, se nuk është i domosdoshëm konsensusi i plotë ndërsa përfundoi:

“Pra nuk është e domosdoshme të kemi konsensus të plotë të të gjitha shteteve anëtare. Ne po bëjmë atë që mundemi për t’i bindur kolegët tanë që ata t’i bindin Qeveritë që t’i bindin ata në Këshill, pra mund të ndodhë, por gjithsesi duhet të presim edhe për zgjedhjet në Bashkimin Evropian, të shohim se çka do të ndodhë. Unë jam optimist.”