Kush është Mattew Palmer, zyrtari amerikan që pritet të vizitojë Tiranën?!
nga Ermal Ngjelina
Zv/Ndihmës Sekretari në Byronë e Çështjeve Evropiane dhe Euroaziatike të SHBA, Matthew Palmer pritet të vijë më 9 Prill në Tiranë.
Gjatë vizitës në Tiranë, Mettew Palmer do të takohet me zyrtarët më të lartë të shtetit shqiptar mes të cilëve, Presidentin Ilir Meta, Kryeministrin Edi Rama dhe kryetarin e PD, Lulzim Basha.
Kush është Mattew Palmer
Po kush zyrtari Matthew Palmer. Ai është Zëvendës Ndihmës Sekretar në Byronë e Çështjeve Evropiane dhe Euroaziatike të SHBA, me përgjegjësi për Ballkanin Perëndimor dhe Egjeun.
Sigurisht që ardhja e tij ka të bëjë me krizën politike në vend, pas tentativës së kryeministrit për të injoruar vullnetin e popullit që ai të dorëhiqet dhe për ti hapur rrugën zgjedhjeve të parakohshme parlamentare.
Por kush është Palmer dhe nga cilat linja vjen ai?
Në faqen në internet et Departamentit të Shtetit veçohet fakti që Palmer ka kryer master shkencor në Naval War College, shkurt NWC.
NWC thotë se ka si mission të vetin edukimin e udhëheqësve të ardhshëm të Forcave të Armatosura, Departamentit të Shtetit dhe agjencive të tjera civile.
Në faqen e Departamentit të Shtetit gjithashtu veçohet edhe fakti që Palmer është anëtar i institutit shumë të njohur dhe të debatuar në mbarë botën të studimeve mbi dhe për politikëbërjen Council on Foreign Relations.
Plamer ka mbaruar baçelorin në vitin 1988, ndërsa masterin në NWC e ka kryer në vitet ‘07-‘08.
Sipas informacioneve që ai ka postuar në profilin e vet në Linkedin veçojmë:
Midis ‘93-‘95 ka punuar si këshilltar ambasade në Beograd. Ka ofruar informaçion për Uashingtonin në lidhje me çështjet politike dhe ekonomike të kohës. Është cilësuar nga drejtori i CIA si “mbledhës i jashtëzakonshëm i inteligjencës njerëzore”
Midis ‘95-’97 ka punuar për Madlenë Albright në OKB për rajonin e Mesdheut dhe të Azisë së Jugut.
Midis ’97-99 ka koordinuar aspektet e politikës së SHBA ndaj Serbisë dhe Malit të Zi dhe vëçanërisht në menaxhimin e krizës së Kosovës. Ka shërbyer si zëvendësshef i delegacionit amerikan në bisedimet e paqes për Kosovën në Rambouillet të Francës.
Midis ‘99’02 ka pjesë në atë që njihet si “the Kimberly Process.”
Gjatë presidencës Bush i Riu, punon mbi marrëdhëniet bilaterale me Qipron dhe më pas këshilltar i Presidentit për Egjeun dhe Kaukazin e Jugut.
Në mandatin e parë të presidentit Obama punon për rajonin e Azisë së Jugut ndërsa në mandatin e dytë kalon si këshilltar politik në ambasadë në Beograd.
Nga gushti i 2016 deri në janarin e 2018 rikthehet në Departamentin e Shtetit në zyrën për marrëdhëniet me Europën Qëndrore-Jugore.
Nga janari i 2018 emërohet si Zëvendës Ndihmës Sekretar në Byronë e Çështjeve Evropiane dhe Euroaziatike.
