Borxhli apo Shërbëtor/ Akuzohen Presidenti dhe Kryeministri, reagon PSD!

Pas akuzave të rënda të Lëvizjes “Vetëvendosje” kundër Hashim Thaçit dhe Ramush Haradinajt për korrupsion, dhe paralajmërimit për tubime me qytetarë nëpër komuna gjithandej Kosovës, për të shkuar drejt protestave qytetare dhe mocionit të mosbesimit në Parlament që e largon këtë qeveri dhe mundëson zgjedhjet e parakohshme, nuk reagoi as Presidentit dhe Kryeministri por Partia Socialdemokrate, PSD.

Nënkryetar i kësaj partie, Visar Imeri, tha se nuk po i sheh si serioze paralajmërimet e Lëvizjes Vetëvendosje, për mocionin e mosbesimit për të rrëzuar qeverinë aktuale të Haradinajt, me kërkesën për të shkuar në zgjedhje të parakohshme.

“Partia Socialdemokrate ka qenë e para dhe e vetmja që deri tash ka ofruar nënshkrimet e veta për mocion mosbesimi kundër qeverisë nga dy partitë tjera opozitare, e veçanërisht nga Vetëvendosje, kemi parë vetëm fjalë dhe asnjëherë, as veprim e as punë. Pra, më duken absolutisht jo serioz dhe të pa guximshëm që të ndërmarrin një hap të tillë,” tha Ish-Kryetari i Lëvizjes Vetëvendosje aktualisht Nënkryetar i PSD, Visar Ymeri në reagimin e tij të paqartë pas deklaratës së Albin Kurtit e cili nuk kishte të bënte me asnjë parti por me krerët shtetëror të korruptuar, për të cilët ai u shpreh qartë se “që ta ndalim hajninë, duhet ta largojmë qeverinë!”

Ndryshe, ky reagim është i paqartë nëse ka të bëjë me ndonjë borxh apo shërbim, kjo mbetet për tu parë, por me realitetin politik kjo nuk ka lidhje!