Kuksianët e kthejnë Ramën në identitet, çmendet: Ata 100 qorra…

Kryeministri Edi Rama pasi u detyrua të largohet urgjent me helikopter, meqë qindëra qytetarë po ai afroheshin vendit ku ai po mbante fjalim në tubimin “Bashkia që do Safet Gjici”, ai vazhdoi fushatën e tij antiveriore edhe në rrjetet sociale.

Përveç se dëshmuan se kush është kryeministri i Shqipërisë, kuksianët e kthyen Edi Ramën në identitet, u çmend!

Shqiptarët e kishin harruar se si i quan gazetaret kurva, si i përplas mikrofonat në KPD, fjalorin që përdor në organin më të lartë të
Partisë Socialiste ose me veteranët e Pandeli Majkos, me ose pa zë në parlament, por kuksianët e eglendisën. Tani të gjithë kanë rastin ta lexojnë edhe në profilin e tij në Facebook pas “trimërisë” në Kukës.

Pas pyetjeve dhe debateve të shumëta në Facebook, ku shumica prej komentuesve e cilësonin si “hajdut” njëri prej tyre i tha se kuksianët ta treguan vendin dhe ike me helikopter, konstatim ky i cili e ktheu Kryeministrin Edi Rama në identitet duke mos pasur respekt të paktën publikisht as për grupet vulnerabërl, të cilave çdo ditë u redukton ndihmat:

Komentuesi: Kukesjanet ta treguan vendin te bon me ik ne helikopter ne kukes keta jan Kukesjanet.

Rama: Ke te drejte shume, ata 100 qorra me kryetarin e bashkise ne krye qe bllokojne rrugen, duke kerkuar sherr jane kuksianet, kurse mijera burra e gra e vajza e djem, qe mblidhen per te me mirepritur s’jane kuksianet! Zoti ta prufte mbare se qenke mbrapsht krejt o mik

Ndryshe, kryeministri Edi Rama e konfirmoi edhe vetë pse ikë nga Zyra kur ka protesta në Tiranë. Kur iu afruan 100 qytetarë ai iku me helikopter, a thua me çfarë mjeti do të largohet me 13 Prill kur para kryeministrisë të jenë mbledhur qindra mijëra qytetarë nga e gjithë Shqipëria?!