Haradinaj nderon martirët në Lubizhdë të Hasit

Kryeministri i Kosovës, Ramush Haradinaj, ka nderuar martirët dhe heronjtë në Lubizhdë të Hasit.

Duke kujtuar sakrificën e tyre madhore për këtë tokë, kryeministri Haradinaj tha se liria e atdheut në themelet e saj ka të gdhendur emrat e dëshmorëve.

“Në nderim të martirëve dhe heronjve në Lubizhdë të Hasit, kujtojmë me pietet sakrificën e tyre madhore për këtë tokë. Liria e atdheut, në themelet e saj ka të gdhendur emrat e dëshmorëve, nga tani të dekoruar “Heronjtë të Kosovës” nga Presidenti i vendit.”

Kulla Muze – “Kulla e Qëndresës”, të cilës i kemi vënë sot gur themelin,
theksoi Kryeministri i Kosovës përmes rrejtit social Facebook, është shenjë dhe dëshmi se Hasi është përgjakur prej armiqve shumë herë në histori ndërsa përfundoi:

“Në gjithë historinë e shqiptarëve, që nga Lidhja e Prizrenit e deri të UÇK, Hasi e ka dhënë pjesën e vet të kontributit për liri”, ka shkruar në Facebook, kryeministri Ramush Haradinaj.”

Ja statusi i plotë:

Në nderim të martirëve dhe heronjve në Lubizhdë të Hasit, kujtojmë me pietet sakrificën e tyre madhore për këtë tokë. Liria e atdheut, në themelet e saj ka të gdhendur emrat e dëshmorëve, nga tani të dekoruar “Heronjë të Kosovës” nga Presidenti i vendit.

Kulla Muze – “Kulla e Qëndresës”, të cilës i kemi vënë sot gurthemelin, është shenjë dhe dëshmi se Hasi është përgjakur prej armiqve shumë herë në histori. Në gjithë historinë e shqiptarëve, që nga Lidhja e Prizrenit e deri të UÇK, Hasi e ka dhënë pjesën e vet të kontributit për liri. RH