Arena e fadromës/ Bregu i Lumit, policia tërheq zvarrë banorët, IKMT shembë shtëpitë!
Regjimi i Edi Ramës është i vendosur të mos përfillë kërkesat e banorëve te Bregu i Lumit, këta të fundit kërkojnë dëmshpërblim para shembjes së shtëpive, dhe për ti kënaqur orekset e kryeministrit edhe sot në orët e mëngjesit pati përplasje kur policia pushtoi zonën.
Fadromat nën shoqërimin e policisë vazhduan aksionin e lënë në mes, me gaz lotsjellës dhe dhunë ndërkohë sot policia është kujdesur që të izoloj zonën edhe për syrin e kamerës.
Të gjithë atyre që arritën të filmojnë paksa me celular policia i konfiskoi celularin ndërsa tensionet mes banorëve dhe policisë kanë vazhduar.
Partia Demokratike edhe sot iu ka qëndruar pranë banorëve te Bregu i Lumit. PD ka bërë me dije se ka pasur përplasje mes banorëve dhe policisë, ndërkohë banorët theksojnë se sot ka forca policore më shumë se herën e kaluar, kur policia përdori gaz lotsjëlles për të nxjerrë nga shtëpitë, banorët që kundërshtojnë prishjen e shtëpive të tyre pa marrë dëmshpërblimin.
