Vetëvendosje, homazhe në Poklek dhe Çikatovë

Me rastin e 20 vjetorit të masakrës së Poklekut, ku u vranë e më pas u dogjën 54 shqiptarë civil të paarmatosur nga forcat serbe, një delegacion i Lëvizjes Vetëvendosje, i kryesuar nga kryetari Albin Kurti ka bërë homazhe pranë lapidarit në Poklek.

Lëvizja Vetëvendosje ka bërë homazhe edhe në Çikatovën e Vjetër ku u vranë 24 shqiptarë civil.

“20 vite më pas, ende nuk është vënë kurrfarë drejtësie për këtë krim e gjenocid të kryer nga Serbia. Derisa këto krime, e mosvënia e drejtësisë na rëndojnë zemrën e mendjen çdo vit, presidenti e të ngjashëm si ai, ende besojnë se mund të arrihet një marrëveshje përfundimtare me Serbinë duke mos i përmendur këto krime”, thekson përmes një komunikate Lëvizjaj Vetëvendosje.