Ja ministri që duhet të largohet sipas Spartak Brahos…

Kryeministri Edi Rama në mbledhjen e fundit të Asamblesë së PS-së paralajmëroi dryshime në qeveri. Rama tha se ndryshimet do të ndodhin pas analizës, e cila do të marrë në shqzrtim performancën e ministrave.

Por cili mund të jetë ministri i parë që mund të lërë postin qeveritar? Spartak Braho, deputeti socialist që zëvendësoi Saimir Tahirin, pas dorëzimit të mandatit nga ky i fundit, thotë se pret që kryeministri Rama të ndryshojë kabinetin në vjeshtë dhe madje ka vënë gishtin, edhe te një ministri konkrete e cila sipas tij duhet të përmirësojë punën.

“Rama ka defekt që nuk konsultohet për vendimmarrjen. Duhet të kishte bërë një përzgjedhje më të mirë të kuadrit. Por shpresoj që në shtator me ndryshimet në qeveri ta përmirësojë situatën.

Sektori i Ekonomisë duhet përmirësuar. Jo se ky është djalë i keq, por duhet të kthehen sytë më mirë te specialistët e mirëfilltë’, deklaroi Spartak Braho.