Budvë, Thaçi: Jemi gati për fazën e fundit të dialogut Kosovë-Serbi
Kosova është e gatshme për të vazhduar fazën e fundit të dialogut për normalizimin e marrëdhënieve ndërmjet Kosovës dhe Serbisë. Kështu u shpreh Presidenti i Kosovës, Hashim Thaçi në takim me Drejtorin për Evropën Qendrore dhe Jugore të SHBA-së, Matthew Palmer, duke llogaritur në ndërmjetësimin e Bashkimit Evropian dhe përkrahjen e fuqishme të Shteteve të Bashkuara.
Presidenti i Kosovës, Hashim Thaçi po merr pjesë në forumin e sigurisë ‘To be secure’ që po zhvillohet në Budvë.
Postimi i plotë i Thaçit:
Në Forumin e Sigurisë “То be Secure”, bisedova për forcimin e paqes në rajon dhe rrugëtimin tonë euroatlantik edhe me Drejtorin për Evropën Qendrore dhe Jugore të SHBA-së, Mattheë Palmer.
Kosova është e gatshme për të vazhduar fazën e fundit të dialogut për normalizimin e marrëdhënieve ndërmjet Kosovës dhe Serbisë të ndërmjetësuar nga BE dhe me përkrahje të fuqishme nga SHBA-të.
Përkrahjen e Shteteve të Bashkuara të Amerikës do ta kemi edhe në këtë proces, njëjtë qysh e kemi pasur në çdo hap të rëndësishëm për shtetin tonë
