“Marshim historik”/Paralajmërimi, Basha: Marshim i lirisë, demokracisë, kundër dhunës qeveritare…
Përkundër terrorit policor që iu nënshtruan qytetarët nga e shtuna e 11 Majit, dhe paralajmërimin e pazakont që bëra Ministria e Brendshme se në protestën e sotme do të ketë dhunë, sot Protesta e Opozitës filloi me madhështi të madhe si kurrë më parë ndonëse reshjet e dendura të shiut po e shoqëronin gjatë gjithë kohës këtë protest-marshim që Kryetari i Partisë Demokratike e pagëzoi si Marshim Historik.
Që në krye të fjalës ndonëse ministri i Brendshëm ishte bërë gati për të dhuruar dhunë policore, Lulzim Basha, bëri thirrje për marshim të lirisë, demokracisë dhe kundër dhunës qeveritare
“Zgjedhje të lira dhe ndershme, qeveri tranzitore pa përdhunuesin serial të zgjedhjeve, me një kryeministër tranzitor për të çliruar zgjedhjet. Banditë me uniformë urdhëruan policët të shoqëronin dhjetëra protestues. Policia e dhunuar nga krimi nuk bën detyrat e saj. Krimi qeveris. Policia e dhunuar nga krimi hesht dhe një tufë banditësh dhe kriminelë me uniformë dhunojnë qytetarët. Gati jemi për marshimin historik të protestës. Do të jemi të gjithë bashkë në këtë marshim, marshimin tonë të lirisë, demokracisë, kundër dhunës qeveritare. A jeni gati apo jo?”.
Qeveria, tha lideri i opozitës, thirrjes së opozitës për votën e lirë iu përgjigjë me dhunë dhe gaz helmues, gjithsesi ai bëri thirrje për çlirimin e Shqipërisë nga krimi dhe korrupsioni, në këtë betejë për kushtetutë, për ligj, për dinjitetin dhe lirinë e çdo shqitpari:
“Vetëm 48 orë më parë, shqiptarët u bashkuan në një protestë të jashtëzakonshme për të kërkuar një të drejtë të pakështuezueshme, garancinë për lirinë dhe dinjitetin e çdo shqiptari, votën e lirë dhe të ndershme. Qeveria dhe kryeministri ilegjitim iu përgjigj thirrjes tonë me dhunë barbare, me provokime, me rrahje, me gaz helmues.
Përgjigja e vetme e Edi Ramës ishte dhuna. Me dhunë i mori zgjedhjet, ky është kryeministër ilegjitim. Tash, dy vjet Prokuroria ka vetëm një mision; të ndalë hetimin e dosjeve kriminale ku janë kapur kupola e Rilindjes me kupolën e mafies për të blerë votën,” tha Kryetari i Partisë Demokratike duke garantuar se bashkimin e opozitës nuk e shuan dot dhuna barbare e Edi Ramës.
“Ne jemi sot në këtë marshim-protestë për të thënë qartë; refuzojmë dhunën e qeverisë së ardhur me dhunë. Ne do t’i përgjigjemi me bashkimin e shpirtrave tanë, me fuqinë e pjesëmarrjes, me fuqinë e vendosmërisë dhe shpresës që ka lindur që nuk e shuan dot as shiu i bekuar i Perëndisë dhe as më pak dhuna barbare e Edi Ramës dhe veglave të tij kriminale. Ejani me ne që ta çlirojmë Shqipërinë nga krimi dhe korrupsioni. Ne jemi në këtë betejë për kushtetutë, për ligj, për dinjitetin dhe lirinë e çdo shqitpari.”
Pas fjalës së tij, Kryetari i Partisë Demokratike, Lulzim bëri thirrje për marshim drejt Drejtorisë së Përgjithshme të Policisë së Shtetit.
