Sencë plenare/ Sot “Vettingu në Polici” në duart e Ish-Gjeneralit
Sot në seancën plenare të Parlamentit të Shqipërisë që pritet të filloj në orën 10:00 e ku janë parashikuar 11 Pika të Rendit të ditës, pritet të rrëzohet Dekreti i Presidentit të Republikës nr. 11175, datë 19.04.2019, “Për kthimin e ligjit nr. 20/2019, “Për disa ndryshime në ligjin nr. 12/2018, “Për vlerësimin kalimtar dhe periodik të punonjësve të Policisë së Shtetit, Gardës së Republikës dhe Shërbimit për Çështjet e Brendshme dhe Ankesat në Ministrinë e Brendshme”” dhe në mungesë të Gjykatës Kushtetuese, të miratohen ndryshimet në Ligjin Nr.12/2018, që i japin të drejtë kryeministrit Edi Rama dhe Ish-Gjeneralit të tij Sandër Lleshaj që ta bëjnë “vettingun në polici” përkundër vërejtjeve serioz që konstatoi Presidenti i Republikës tashmë si filtri i fundit në këtë shtet pa Gjykata!
Në seancën plenare, sot përveç rrëzimit të Dekretit mund të dëgjohen edhe akuza të reja ndaj Presidentit pas atyre në Komisionin e Sigurisë
kur u shqyrtua Dekreti i Presidentit për kthimin e “Ligjit të Vetingut në Policinë e Shtetit”, e ku ministri i Brendshëm, Sandër Lleshaj, argumentat e Presidentit Ilir Meta i vlerësoi absurde dhe paranojake.
Ndryshe, Presidenti ka kthyer për rishqyrtimi në Parlament Ligjin nr.20/2019 “PËR DISA NDRYSHIME NË LIGJIN NR. 12/2018, “PËR VLERËSIMIN KALIMTAR DHE PERIODIK TË PUNONJËSVE TË POLICISË SË SHTETIT, GARDËS SË REPUBLIKËS DHE SHËRBIMIT PËR ÇËSHTJET E BRENDSHME DHE ANKESAT NË MINISTRINË E BRENDSHME” pas shqyrtimit nga Presidenca ku konstatohet se ky ligj cenon parimet dhe standardet e vendosura në ligjin ekzistues nr.12/2018, “Për vlerësimin kalimtar dhe periodik të punonjësve të Policisë së Shtetit, Gardës së Republikës dhe Shërbimit për Çështjet e Brendshme dhe Ankesat në Ministrinë e Brendshme”. Ndryshimet e miratuara me këtë ligj nuk krijojnë garancitë e nevojshme se një proces kaq i rëndësishëm si vlerësimi kalimtar i punonjësve të Policisë së Shtetit dhe të Gardës së Republikës, do të realizohet në kohën e duhur, me objektivitet dhe paanshmëri, duke bërë hapa pas në raport me standartet e ligjit në fuqi.
Rishikimi i ligjit ekzistues nr. 12/2018, nëpërmjet ligjit të miratuar nr. 20/2019, bën të mundur që, kompetencat e realizimit të procesit të vlerësimit kalimtar të forcave policore dhe atyre të Gardës së Republikës, t’u hiqen komisioneve të pavarura teknike dhe t’i jepen Shërbimit për Çështjet e Brendshme dhe Ankesat, një organ ky në varësi të drejtëpërdrejtë të Ministrit të Brendshëm,” konstaton Presidenti duke dekretuar kthimin për rishqyrtim në Kuvend të ligjit nr. 20/2019.
