Haradinaj thirrje bashkëatdhetarëve: Votoni kandidatët e PPE!
Kryeministri i Kosovës, Ramush Haradinaj u ka bërë thirrje bashkatdhetarëve që kanë të drejtë vote në zgjedhjet për Parlamentin Evropian që të votojnë për kandidatët që janë më të zëshëm në përkrahjen e interesave tona të përbashkëta, veçanërisht kandidatët e Partive Popullore Evropiane.
“Sot me nisjen e zgjedhjeve për Parlamentin Evropian, ftoj bashkëatdhetarët që kanë të drejtë vote në shtetet e Bashkimit Evropian të shfrytëzojnë këtë të drejtë dhe të votojnë për kandidatët më të zëshëm në përkrahjen dhe promovimin e interesave tona të përbashkëta, veçanërisht kandidatët e Partive Popullore Evropiane,” thekson Haradinaj përmes rrjetit social Dacebook duke shtuar se Parlamenti i ri Europian do të jetë partner i rëndësishëm për Kosovën në pesë vitet e ardhshme!
