Vuçiç kërcënon/ Pas Samitit të Parisit, masa shumë të rrepta kundër Kosovës

Presidenti i Serbisë, Aleksandar Vuçiç gjatë takimit që zhvilloi sot me 140 serbët nga Kosova,tha se ka biseduar për situatën Kosovën dhe masat që Serbia do t’i ndërmarrë për shkak të taksës që ka vendos Kosova ndaj mallrave të Serbisë.

“Masa shumë të fuqishme e shumë të rrepta kemi përgatitur, do të shikojmë që me to të mos i godasim njerëzit tanë ë Kosovë. Me to do të fillojmë pas takimit të Parisit,” tha Vuçiç duke e përsëritur se ka informacione që Njësia Speciale e Policisë së Kosovë, ROSU, është gjendje gatishmërie dhe e ka ftuar bashkësinë ndërkombëtare që të pengohet qëllimi i arrestimit ë serbëve.

Për liberalizimin e vizave për Kosovën “u tregua” zemërgjërë duke theksuar se është gati të firmos menjëherë për liberalizim thuaje nuk është ky njeri çdo ditë pengon shqiptarë e Kosovës të kalojnë nëpër Serbi edhe kur ata janë të pajisur me pasaporta të shteteve të BE e madje edhe vet shtetit serb.

Sa i përket taksës u shpreh, ai kishte mesazh për liderët shqiptar të Kosovës:

“Hiqni taksat e do të bisedojmë për çdo gjë që dëshironi, do të flasim për kohën e mirë e të keqe!”

Ndryshe, Presidenti i Serbisë folir për masat që do të vendosen kundër Kosovës por nuk saktësoi se cilat do të jenë ato masa shumë të rrepat dhe shumë të fuqishme.