Kryeministri Haradinaj pritet në Berlin me ceremoni shtetërore
Në orët e pasdites, Kryeministri Haradinaj është pritur me ceremoni shtetërore në Berlin, derisa ka arritur atje për një vizitë, siç thuhet zyrtarisht, shumë të rëndësishme.
Në kuadër të kësaj vizite zyrtare, Kryeministri Haradinaj do të takohet me kancelaren Angela Merkel, takim ky i cili në Kosovë komentohet si një përpjekje e qartë gjermane për liberalizimin e vizave.
Në prag të Samitit të Parisit, kjo vizitë e Kryeministrit Haradinaj në Berlin dhe takimi me kancelaren Merkel është konsideruar edhe si përcaktim i qëndrimit se nuk ka ndryshim të territoreve.
Ndryshe, Kryeministri Ramush Haradinaj para nisjes drejtë Berlinit tha se takimi me Kancelaren Merkel do të ketë për qëllim thellimin e marrëdhënieve dhe besimit në mes të Kosovës dhe Gjermanisë si partnerë strategjik.
