Përgjimet “Bild”/ Urdhëroi Edi Rama reagon Donika Prela: U cenua imazhi Prokurorisë!

Pas përgjimeve nga gazeta gjermane “Bild” reagim të çuditshëm nuk di të bëjë vetëm kryeministri Edi Rama. Pasi urdhëroi Prokurorinë e Krimeve të Rënda duke e nxitur, kjo Prokurori që nuk e ka lodhë trurin për këto përgjime për vite të tëra thotë se po bëhet verifikimi me shpejtësi i të gjitha akteve hetimore dhe të CD-ve të përgjimeve me qëllim verifikimin e autenticitetit të audiove të publikuara.

Dhe jo vetëm kaq!

Kjo Prokurori, që sot pa dyshim është Prokuroria më kriminale në Evropë, nuk ka turp pse krimi ka degjeneruar deri në këtë farë feje shtetin dhe përgjimet flejnë në sirtar por shqetësohet se me publikimin e këtyre përgjimeve nga “Bild” është cenuar rëndë imazhi i Prokurorisë Shqiptare:

“Prokuroria e Krimeve të Rënda deklaron, se po ndjek me kujdes situatën e paprecedent të krijuar që ka cenuar rëndë imazhin e Prokurorisë Shqiptare dhe që është kryer në shkelje flagrante të ligjit!”

Reagimi i plotë

Nisur nga publikimet audio te bëra sot me date 17.06.2019 ne gazetën gjermane Bild, Prokuroria e Krimeve të Rënda njofton se ka filluar veprimet hetimore për verifikimin e elementëve të veprës penale të “Zbulimit të akteve ose të dhënave sekrete” të parashikuar nga neni 295/a i K.Penal.

Po bëhet verifikimi me shpejtësi i të gjitha akteve hetimore dhe të CD-ve të përgjimeve me qëllim verifikimin e autenticitetit të audiove të publikuara.

Prokuroria e Krimeve të Rënda deklaron, se po ndjek me kujdes situatën e paprecedent të krijuar që ka cenuar rëndë imazhin e Prokurorisë Shqiptare dhe që është kryer në shkelje flagrante të ligjit